سلام‌افغانستان رسانه‌یی موسسه (سلام‌وطندار رادیوسی) نینگ اورین باسری نور محمد هاشمی، اوتگن کون شام چاغی اویی تامان کیته‌دیگن بیر چاغده، کابل شهری نینگ ۴- امنیتی حوزه‌سیگه تیگیشلی تایمنی منطقه‌سیده، قوراللی کیشیلر نینگ هجومی گه دوچ کیلگن.
نور محمد هاشمی نینگ ایتیشیچه، کرولا تیپلی بیر موتر ده مینیلگن اوچ قوراللی کیشی، اونینگ توخته‌تیب و شونینگدیک اولردن بیری قورال بیلن اونینگ اوستیگه هجوم قیلیش اوچون سعی و حرکت قیلگن، بیراق او اوزیدن مقاومت کورستگن.
سلام افغانستان رسانه‌یی موسسه اورین باسری نینگ کوپه‌یتیریشیچه، قوراللی کیشی نیچه دقیقه‌لیک تارتیشوودن کیین، اهالی توپلنگنی و اونینگ مقاومتی باعث، منطقه نی ترک قیلیب و قورال و باشقه نرسه‌لری ایسه محل ده قالگن. گرچند بو حادثه ده نور محمد هاشمی نینگ باشی جدی آسیب کورگن، بیراق اونینگ ساغلیک وضعیتی حاضر یخشی دیر.
افغانستان ملی خبرچیلر انجمنی بو واقعه نی جدی شکلده قاره‌لب و اونینگ سوزایرکین‌لیگی گه قرشی هجوم دیگنلر.
بیزلرنینگ فیسبوک صحیفه‌میزگه باش اورینگ!
اوشبو انجمن ریاست رئیسی حجت‌الله مجددی، مذکور واقعه تیکشیریلیشی و شونینگدیک خبرچیلر و رسانه ایشلاوچیلری گه قرشی بونده‌ی هجوم‌لرنینگ، آلدی آلینیشی نی سوره‌گن.
باشقه بیر تاماندن، افغانستان خبرچیلر مرکزی بیر اعلامیه ترقه‌تیش بیلن، سلام‌وطندار اورین باسری گه قرشی هجوم نی قاره‌لب و بونده‌ی حادثه‌لرنی خبرچیلر و رسانه‌لرگه قرشی تهدیدلر کوپه‌یگنی دیگن.
بوتوغریده ایچکی ایشلر وزیرلیگی و کابل شهری نینگ ۴- حوزه مسئوللری نینگ فکری نی آلیش ایسته‌دیک، بیراق کیین‌مه‌کیین قونغیراق بیلن موفق بولمه‌دیک.
اسلامی امارت سوزلاوچیسی نینگ اورین‌باسری بلال کریمی نینگ سلام‌وطندار گه ایتیشیچه، سلام‌وطندار اورین باسری نورمحمد هاشمی گه قرشی هجوم نی تیکشیره‌دی.
بو بیرینچی مرته ایمس که قوراللی کیشیلر سلام افغانستان رسانه یی موسسه ایشلاوچیلری گه هجوم قیله‌دی، بلکیم جاری ییل ۲۷- سنبله‌ده ناتانیش قوراللی کیشیلر اوشبو رسانه ویراستار و خبرچیسی محمد علی احمدی گه هجوم قیلیب و اونینگ جدی یره‌لنتیرگن ایدی.
عین حالده، سونگی کون‌لرده ناتانیش رقم‌لردن مذکور رسانه ایشلاوچیلری بیلن علاقه قوریلیب و اولر تهدید بولگن و شونینگدیک اولردن رسانه‌یی فعالیت‌لری نینگ آلدینی آلیش‌لری سوره‌لگن.
