افغانستان اسلامی امارت سوزلاوچیسی و معلومات و مدنیت وزیرلیگی نینگ نشراتی معینی ذبیحالله مجاهد نینگ ایتشیچه، اولر سابق دولتده ثبت بولگن رسانهلر نینگ قانونلری نی اوقیگنلر و اسلامی امارت فکریدن بو قانونده هیچ بیر کمچیلیگی یوق ایکن. او، بو بیانات نی بوگون کابلده افغان خبرچیلر مصونیب کمیتهسی آرقلی یولگه قویلگن ییغینده بیان قیلگن.
باختر دولتی آژانسی ذبیحالله مجاهددن نقل قیلیب توییتر صحیفهسیده یازیشیچه: «بیزلر رسانهلر نینگ سابق قانونی نی اوقیدیک لیکن هیچ بیر کمچیلیگی یوق.» مجاهد بیان قیلگن که اسلامی امارت رسانهلردن ملی منفعتلر، ملی وحدت و اسلامی امارت ارزشلری نی نشراتلریده نظر گه آلیشلری نی سورهگن. شوندهی بیرحالده، اونینگ ایشانچی گه کوره، شونینگدیک رسانهلر هم شو موردلرده توجهلری بار.
بیزلرنینگ فیسبوک صحیفهمیزگه باش اورینگ!
اونینگ کوپهیتیریشیچه، اسلامی امارت «سوءتفاهم نی آلدینی آلیش اوچون رسانهلر نینگ خطالری نی تیکشیرووچی کمیسیون قیته فعال قیلیش گه سعی و حرکت قیلماقده و هرقندهی بیر قیینچیلیک چیقگن بیرحالده، اوشبو کمیسیون آرقلی حل قیلیش اوچون اقدام قیلهدیلر. شونینگدیک مجاهد نینگ ایتیشیچه: «اسلامی امارت رسانهلر نینگ هر قندهی سالم انتقادیدن حمایت قیلهدی؛ بیراق رسانهلر مشمشلردن وازکیچیشلری کیرهک.»
ذبیحالله مجاهد بیاناتی دوامیده ایتیشیچه، رسانهلر ملت سیسی نی دولت مسئوللری نینگ قولاقلری گه یتیشتیرهدی و انه شوو سبب اسلامی امارت رسانهلردن حمایت قیلهدی.
عین حالده، افغان خبرچیلری نینگ مصونیت کمیتهسی بیر اعلامیه ترقهتیب اعلام قیلیشیچه، اسلامی امارت سوزلاوچیسی ذبیحالله مجاهد بوگون بو کمیته نینگ ۶ آیلیک بیر ییغینیده بیان قیلگن که: «افغانستان رسانهلری نینگ قانونی اجرا ایتیلگن ایکن، رسانهلرنینگ خطارلری نی تیکشیرووچی کمیسیونی و حکومت و رسانهلرنینگ قوشمه کمیسیونی نینگ ایجاد بولیشی ممکن.»
مجاهد نینگ کوپهیتیریشیچه: «رسانهلر نینگ قانونی «مرعیالاجرأ ایکن» و رسانهلرنینگ خطارلری نی تیکشیرووچی کمیسیونی و رسانهلر نینگ قیینچیلیکلری و خطالری گه یتیشیش اوچون تیزلیککه ایجاد بولیشی ممکن. ذبیحالله مجاهددن نقل بولگن اعلامیهده کیلگن که، اوشبو کمیسیون نینگ تشکیل بولگنیدن کیین، اسلامی امارتده هیچ بیر نهاد یا-ده وزیرلیک رسانهلر نینگ ایشی گه مداخله قیلهآلمهیدی.
بیزلرنینگ توییترده هم تعقیب قیلینگ!
شونینگدیک مجاهد نینگ بیاناتی گه کوره: «معلومات گه قول تاپیش کمیسیونی و معلومات گه قولتاپیش قانونی خصوصیده ایش نی دوامی بار و تیکشیریشدن کیین، نتیجهسی اعلام بولیب و ایشی نینگ باشلنیشی ممکن.» اونینگ کوپهیتیریشیچه، عیاللر «ملی و اسلامی اصول» نی رعایت قیلیش بیلن رسانهلرده آزاد بیرشکلده ایش قیلهآلهدیلر.
باشقه بیرتاماندن، اسلامی امارت سوزلاوچیسیدن نقل بولینگن افغان خبرچیلر مصونیت کمیتهسی نینگ اعلامیهسیده کیلیشیچه، خبرچیلر گه قرشی زوروانلیک بولگن صورتده، اولر یوزبیرگن قضیهلر نی اوشبو کمیته بیلن شریک قیلهآلهدیلر و خبرچیلری نینگ مصونیت کمیتهسی تیگیشلی نهادلر همکارلگی بیلن بو قضیهلر نی حل قیلیشلری ممکن.
شوندهی بیرحالده، افغانستانده اسلامی امارت قدرت گه ایریشگنیدن کیین، اونلرچه ملی و محلی رسانهلر نینگ فعالیتی توختهگن و شونینگدیک خبرچیلر کوپینچه چیکلاولر بیلن روپهرو بولگن.