بامیان ده محلی منبع‌لر نینگ سلام‌وطندار گه ایتیش‌لریچه، اوشبو ولایت مخدره ماده گه قرشی کوره‌ش ریاست رئیسی قاری عبدالفتاح، اوتگن هفته بامیان حاکمی عبدالله سرحدی نینگ قوریق‌چیلری تامایندن قولگه آلینیب و ایشیدن چیتلنتیریلگن.
بامیان حاکمی سوزلاوچیسی عبدالصبور فرزان سیغانی اوشبو خبر نی تصدیق‌لب ایتیشیچه، عبدالفتاح ایشی‌ده تخطی قیلیش عیبی بیلن قولگه آلینیب و ایشیدن چیتلنتیریلگن.
بیزلرنینگ توییترده هم تعقیب قیلینگ!
شونده‌ی بیرحالده، بامیان ده بیر منبع نینگ سلام‌وطندار گه ایتیشیچه، اوشبو ولایت مخدره ماده گه قرشی کوره‌ش ریاست رئیسی قاری عبدالفتاح، اوتگن هفته هیروئین ساتیش عیبی بیلن قولگه آلینیب و ایشیدن چیتلنتیریلگن.
منبع گه کوره، بامیان مخدره ماده گه قرشی کوره‌ش رئیسی ساتووچیلر یانیدن ضبط قیلگن هیروئین نی، اوزی ساتگن. منبع نینگ کوپه‌یتیریشیچه، عبدالفتاح بامیان امنیه قومندانی صدیق‌الله شاهین نینگ یقین‌داشلریدن دیر.
شونینگدیک بامیان امنیه قومندانی سوزلاوچیسی محمدخوانی رسا، اوشبو ولایت مخدره ماده گه قرشی کوره‌ش ریاستی‌دن قاری عبدالفتاح نینگ چیقریلگنی نی تصدیق‌لگن، بیراق هیروئین عیبی بیلن قولگه آلینگنی نی شایعه دیگن.
بیزلرنینگ فیسبوک صحیفه‌میزگه باش اورینگ!
بامیان محلی مسئوللری نینگ کوپه‌یتیریش‌لریچه، قاری عبدالفتاح اورنیده، محمدداوود حیدر تعیین‌لنگن.
محلی منبع‌لر نینگ کوپه‌یتیریش‌لریچه، بامیان مخدره ماده گه قرشی کوره‌ش نینگ ینگی رئیسی محمدداوود حیدر، قندهار ولایتی‌دن و مذکور ولایت حاکمی عبدالله سرحدی نینگ اقارب‌لریدن دیر.
