جمهورلیک ریاستی نینگ سابق اورین باسری مارشال عبدالرشید دوستم، جمهوریت نظامیدن حمایت بیلدیریب، اوروش یکونلنتیریلیشی و تینچلیک تامینلنیشینی ایستهگن.
بوگون “چهارشنبه” مارشال دوستم نینگ شبرغان شهریده اجتماعی ایشلر وزیری بشیراحمد تهینچ بیلن اوتکزگن اوچرهشوویده ایتیشیچه، حاضرگی حکومتگه بیرقطار قیینچلیکلر بار، لیکن اصلاحات کیلتیریلیشی لازم.
جمهورلیک ریاستی سابق اورین باسری نینگ کوپهیتیریشیچه، جمهوریت نظامی و اوروش یکونلنیشی و عدالت تامینلنیشیگه سبب بولهدیگن سوزلشوولردن حمایت قیلهدی.
جناب مارشال گه کوره، طالبان اوروش آرقهلی موفق بولمهیدی و اوروش حل یول ایمس، اوروش حل یول بولگنده طالبان نینگ نظامی نابود ایتیلمس ایدی.
اونینگ ایتیشیچه، رخصت بیریلگن صورتده، بیرینچیدن شمالی ولایتلر و اوندن سونگ، جنوبی ولایتلرنی طالبان وجودیدن تازهلهیدی.
ایتیلیشیچه، نیچه پیت آلدین نمایندهلر کینگشی باشلیغی میررحمان رحمانی، مملکتده موقت حکومت ایجاد ایتیلیشیدن حمایت بیلدیرگن ایدی و جناب رحمانی نینگ اوشبو حرکتی نمایندهلر کینگشی بیرقطار اعضالری نینگ قرشیلیگی بیلن روپهره بولگن ایدی.
نمایندهلر کینگشی اعضالریدن بیرقطاری، جناب رحمانی نی چیتایللیکلرنینگ بویروغینی عملگه آشیریشگه عیبلگن ایدی.
بیراق، بوگون “چهارشنبه” نمایندهلر کینگشی نینگ عمومی ییغینیده اوشبو کینگش باشلیغی، مطرح قیلینگن ادعالرنی رد قیلگن.