بیر منبع اسمی سِر قالیش شرطی بیلن سلام‌وطندار گه ایتیشیچه، بوگون (پنجشنبه، ۲ سرطان) توش دن کیین سرپل ولایتی سانچارک و بلخاب تومنی آره‌لیغی «قُم کوتل» ده اسلامی امارت کوچلری و مهدی مجاهد قوریقچیلری اورته‌سیده آتیشمه باشلنگن.
منبع گه کوره، اوشبو توقنشووده اسلامی امارت کوچلری و مهدی مجاهد قوریقچیلری دن قطاری اولیب و یره‌لنگن و شونینگدیک اوروش همان دوام ایتماقده.
بیزلرنینگ فیسبوک صحیفه‌میزگه باش اورینگ!
منبع نینگ کوپه‌یتیریشیچه، اسلامی امارت کوچلری سانچارک تومنی آب کلان منطقه‌سیده ایکی دفاعی چیزیغ‌نی مغلوب قیلیب و مهدی مجاهد کوچلری دن ۱۰ ته‌سینی اسیر آلگنلر.
سلام‌وطندار نینگ معلوماتی اساسیده، سرپل ولایتی بلخاب تومنیده هزاره تبار طالب مهدی مجاهد نی مغلوب قیلیش و قولگه آلیش مقصدیده، بلخ الفتح ۲۰۹ قول اردو، جوزجان، فاریاب و سرپل لوالریدن یوزلرچه کوچ، یینگیل و آغیر قوراللر بیلن سرپل ییتیب بارگنلر.
اوشبو معلومات اساسیده، مدافعه وزیرلیگی نینگ تیک اوچرلری اسلامی امارت نینگ ییر (زمینی) کوچلری دن حمایت قیلیش اوچون مذکور ولایت گه جونه‌تیلگن. بیراق سرپل محلی و امنیتی مسئوللری حاضرگچه بوتوغریده هیچ نرسه دیمه‌گن.
بیزلرنینگ توییترده هم تعقیب قیلینگ!
بوندن آلدین، سرپل ولایتیده مهدی مجاهد و اسلامی امارت آره‌سیده نیچه دور مذاکره‌لر اوتکزیلدی؛ لیکن منبع نینگ ایتیشیچه، بو مذاکره‌لر نتیجه بیرمه‌گن. منبع‌لر سه‌شنبه کونی ۳۱ جوزا، سلام‌وطندار بیلن اوتکزگن صحبت‌لریده، مذاکره‌لر ینگی دوری باشله‌نیشیدن خبر بیرگن ایدیلر.
عین‌حالده، سرپل ولایتی بلخاب و سانچارک تومن‌لری یشاوچیلریدن بیر قطاری نینگ سلام‌وطندار گه ایتیشلریچه، مذکور ایکی تومن حربی حالت نی اوزی گه آلگن. اوشبو تومن‌لر یشاوچیلری، مذاکره‌لر نتیجه بیرمه‌گن تقدیرده، ایکی تامان آره‌سیده قانلی اوروش باشله‌نیشیدن آگاه‌لنتیرگن ایدیلر.
