باختر دولت آژانسی نینگ معلوماتی اساسیده، اسلامی امارت کوچلری بلخ ولایتی نینگ مرکزی مزارشریف شهری‌ده شیعه‌لر مسجدی گه اویوشتیریلگن هجوم طراح‌سینی قولگه آلگن‌لر. باختر آژانسی بوتوغریده کوپ معلومات بیرمه‌گن.
بیزلرنینگ فیسبوک صحیفه‌میزگه باش اورینگ!
بو عین‌حالده، اوتگن کونی مزارشریف شهری قانلی واقعه گواهی ایدی. اوتگن کونی توش چاغی ساعت ۱۲:۴۰ اطرافی‌ده مزارشریف نینگ روضه شمالی‌ده «سه دکان» مسجدی ایچیده پارتلش یوز بیردی.
منبع‌لرگه کوره، مذکور پارتلش نتیجه‌سیده قریب ۴۰ کیشی هلاک و باشقه اونلب انسان یره‌لنگن. بو هجوم مسئولیتینی اسلامی دولت (داعش) گروهی زمه‌سیگه آلیب و ۱۰۰ کیشی هلاک بولگنینی ادعا قیلگن.
بیزلرنینگ توییترده هم تعقیب قیلینگ!
اوشبو پارتلش ایچکی و تشقی عکس‌العمل‌لر گه روپه‌رو بولگن. اوتگن کونی کابل، ننگرهار و قندوز ولایت‌لری‌ده هم پارتلش یوز بیریب و نتیجه‌ده اونلرچه کیشی اولیب و یره‌لندیلر.
