فاریاب ولایتی نینگ قیصار تومنی اوتگن کون طالبان نظارتی گه اوتدی، بیراق حربی‌لردن کمیده ۳۰ ته‌سی اوزلرینی طالبان قمرویدن نجات بیریب و امنیتی کوچلرنینگ نظارتی گه بولگن «کوهی» قیشلاغیدهگی حربی‌لرگه ییتیشتیردی، بیراق کوپ وقت اوتمه‌دی که کوهی قیشلاغی هم طالبان قولیگه سقوط قیلدی و کمیده ۱۰۰ حربی نینگ تقدیری توغریسیده حاضرگچه هیچ قنده‌ی معلومات یوق.
فاریاب ولایتی کینگش اعضاسی عبدالمنان قاطع نینگ سلام‌وطندارگه ایتیشیچه، اونگه ییتیشگن معلوماتلر اساسیده، ۱۰۰ حربی دن ۲۰ ته‌سی هلاک ایتیلگن و قالگن ۸۰ ته‌سی نینگ تقدیری توغریسیده معلومات یوق.
فاریاب ولایتی کینگشی نینگ اوشبو اعضاسیگه کوره، طالبان ۷ تانک شامل برچه حربی جهازلر بیلن مذکور حربیلرنینگ اسیر آلگن. «کوهی قیشلاغیدهگی امنیتی بیز ده جایلشگن ۱۰۰ حربی، مذکور قیشلاق و امنیتی بیز سقوط قیلیشی بیلن برچه‌سی طالبان قولیگه اسیر بولگن و اولردن کمیده ۲۰ ته‌سی هلاک و باشقه‌سی طالبان قولگه اسیر بولگن.»
بیزلرنینگ فیسبوک صحیفه‌میزگه هم باش اورینگ!
قیصار تومن مدنی فعاللریدن بیری معروف مبارز نینگ ایتیشیچه، طالبان امنیتی کوچلرنینگ اسیرلرینی قیصار نینگ کوهی قیشلاغیدن بوری قیشلاغی گه انتقال بیرگن، بیراق هلاک و یره‌لنگنلر سانی کوپ دیر.
فاریاب مدنی جماعه‌چیلیک باشلیغی سیدزین‌الدین عابدی نینگ ایتیشیچه، هوایی یاردم ییتیشمه‌گنی و حکومت نینگ توجه‌سیزلیگی باعث قیصار سقوط قیلگن و شونینگدیک دولت‌آباد تومنی نینگ کوپینچه منطقه‌لری هم طالبان نظارتی گه اوتگن.
جناب عابدی نینگ کوپه‌یتیریشیچه: «فاریاب نینگ قطار تومن‌لریده وضعیت کنترول دن چیققن و حکومت نینگ توجه‌سیزلیگی باعث قیصار سقوط قیلگن و شونیننگدیک دولت آباد هم سقوط عرفه‌سیده قرار تاپگن.»
بیزلرنینگ توییترده هم تعقیب قیلینگ!
عین حالده، فاریاب ولایتی کینگش اعضاسی عبدالاحد ایلبیک نینگ ایتیشیچه، طالبان بوگون ایرته‌لب دولت‌آباد تومنیده‌گی ایکی امنیتی پوسته نی نظارت گه آلگن که بو توغریده توجه بولمه‌گن صورتده، مذکور تومن هم طالبان قولیگه سقوط قیلیشی ممکن. بیراق مذکور تومنده‌گی مردمی منبعلر بو تومن بوتونلی طالبان نظارتی گه اوتگنی نی بیلدیرگن.
شونده‌‌ی بیرحالده، اوتگن کون دولت نینگ توجه‌سیزلیگی باعث غور نینگ شهرک تومنی هم طالبان نظارتی گه اوتگن ایدی.
