مملکتده اسلامی امارت حاکم بولگنیدن کمیده ۱۰۰ کون اوتگنیدن کیین، اسلامی امارت رئیس‌الوزراسی ملامحمد حسن آخوند، بیرینچی مرته اهالی گه خطاب صحبت قیلدی. اونینگ ایتیشیچه، اقتصادی وضعیت یمان‌لنگنی و قوروقچیلیک نینگ عاملی سابق تیزیم دیر.
بیراق سیاسی ایش بیلرمانلردن بیرقطاری نینگ ایتیش‌لریچه، اسلامی امارت مسوول‌لری سابق حکومت نی فساد گه عیب‌لش بیلن مسئوولیت‌لردن اوزلرینی قاچیرمه‌سی کیره‌ک.
سیاسی ایش بیلرمانلردن بیری خپلواک زازی، اسلامی امارت رئیس‌الوزراسی نینگ بیانات‌لرینی توغری ایمس دیب و ایتیشیچه، اسلامی امارت ملی سرمایه‌لردن فایده‌لنه‌دی و انه‌شوو سبب، اهالی نینگ قیین‌چیلیک‌لرینی حل قیلیشی کیره‌ک.
جناب زازی گه کوره، اسلامی امارت رهبرلری بونده‌ی بیانات بیلن دنیا نینگ ایشانچی نی قولگه کیلتیره آلمه‌یدی.
اوتگن کون اسلامی امارت رئیس‌الوزراسی ملاحسن آخوند ملت گه خطاب بیرینچی مرته بیانات بیردی.
بیزلرنینگ فیسبوک صحیفه‌میزگه باش اورینگ!
او ایچکی سیاست‌لر خصوصیده ایتیشیچه، اسلامی امارت اوچ وعده‌سیگه که اشغال نی یکونلنتیریش، اسلامی تیزیم ایجاد قیلیش و امنیت نی تامین‌لش ایکن عمل قیلگن.
او، قشاقلیک و اقتصادی وضعیت یمان‌لنیشی گه سابق حکومت نی مسئول دیب و ایتیشیچه، اوتمیش نظام‌ده مملکت نینگ کوپینچه عوایدی جمهور رئیس‌لیک سرایی گه کیتیب و اشرف غنی نینگ امضاسی بیلن قولگه آلینه‌دی ایکن.
رئیس الوزرا، اسلامی امارت نی هرتامانلمه دیب و مسئوللردن اهالی و سابق دولت ایشلاوچی‌لری بیلن یخشی رفتار قیلیش‌لری نی سوره‌گن. او، بوتون دولتی مسئوللری گه اهالی نینگ قیین‌چیلیک‌لری نی حل قیلیش اوچون بویروغ بیرگن.
شونینگدیک، جناب آخوند نینگ ایتیشیچه، شریعت اساسی گه تعلیم کوریش هر کیم گه فرض دیر.