هرات محلی مسئوللری نینگ ایتیشلریچه، اوتگن کونی (شنبه، ۱۴ جوزا)، اوشبو ولایتده اسلامی امارت کوچلری و چاروادار کوچی‌لر اورته‌سیده توقنشوو یوز بیرگن.

هرات امنیه قوماندان‌لیگی سوزلاوچیسی محمودشاه رسولی نینگ سلام‌وطندار گه ایتیشیچه، مذکور توقنشووده اسلامی امارت کوچلری دن ایکیته‌سی یره‌لنگن. اونگه کوره، اوشبو توقنشووده چاروادار کوچی‌لردن ایکیته‌سی هلاک و باشقه تورت ته‌سی یره‌لنگن.

بیزلرنینگ فیسبوک صحیفه‌میزگه باش اورینگ!

هرات امنیه قوماندان‌لیگی سوزلاوچیسی نینگ کوپه‌یتیریشیچه، بیرقطار چاروادار کوچی‌لر باشقه ولایت‌لردن هرات نینگ کرخ تومنی گه کیلیب و ۱۰ مینگ چاروانی اوتلاق‌لر و ایکین‌لرگه قویبارگندن سونگ حادثه یوز بیرگن.

اونگه کوره، اسلامی امارت کوچلری نیچه مراتبه چاروا ایگه‌لرینی آگاه‌لنتیرگن، لیکن اولر بوتوغریده دقت قیلیشمه‌گن.

مسئوللرنینگ کوپه‌یتیریشیچه، اوتگن کونی هرات امنیه قوماندان‌لیگی و استخبارات ریاستی دن قوشمه بیر هیأت، کرخ تومنی هیأتی بیرگه‌سیده، چاروا ایگه‌لری بیلن صحبت قیلیش اوچون بارگن‌لر گه قورال آتیشمه‌سی بیلن قرشی لنگن.

بیزلرنینگ توییترده هم تعقیب قیلینگ!

مسئوللرگه کوره، دستلب کوچلر اسلامی امارت کوچلریدن ایکیته‌سینی یره‌لنتیرگن و اولر گه قرشی اسلامی امارت کوچلری، کوچی‌لردن ایکیته‌سینی اولدیریب و باشقه تورت ته‌سینی یره‌لنتیرگنلر.

اوشبو کوچی‌لر قیسی ولایت‌ دن کرخ تومنی گه کیلگنی حاضرگچه انیقلنمه‌گن. ایتیلیشیچه، تدقیقات اوچون هرات امنیه قوماندان‌لیگیدن بیر هیأت کرخ تومنی گه بارگن.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام