اسلامی امارت رسمی‌لری، جوزجان ولایتی نینگ قوش‌تپه تومنی یشاوچی‌لری زوردن کوچیریلگنی خصوصیده نشر ایتیلگن خبرلرنی رد قیلگن. اسلامی امارت سوزلاوچی‌‌لریدن بیری انعام‌الله سمنگانی نینگ توییتر صحیفه‌سیده یازیشیچه، جوزجان یشاوچی‌لری نینگ زوردن کوچیریلگنی حقیده بولگن مش‌مشلر ناتوغری دیر.
جناب سمنگانی نینگ جوزجان امنیه قومندانی سراج‌الدین احمدی دن نقل قیلیب یازیشیچه، قوش‌تپه تومنی نینگ «ترکمن قدوق» قیشلاغیده بونده‌ی بیر واقعه یوز بیرمه‌گن و هیچ‌کیم نینگ حقیده قرار قیلینمه‌گن.
اونینگ تاکید قیلیشیچه، ایکی قوم آره‌سیده جنجل بار و اونینگ حل قیلیش اوچون بیر هیات ایجاد ایتیلیشی ممکن.
ایتیلیشیچه، جوزجان ولایتی نینگ قوش‌تپه تومنی یشاوچی‌لریدن بیرقطاری زوردن کوچیریلگنلرینی ادعا قیلگنلر.
اولرنینگ ادعا قیلیشیچه، اوی‌لری و ییر (زمین) لری کوچی‌لر تامانیدن غضب ایتیلگن و شونینگدیک، اسلامی امارت محلی مسئوللری اعتراضچی‌لرنی قماققه سالگن.
بوندن آلدین قندهار و دایکندی یشاوچی‌لری هم اسلامی امارت کوچلری تامانیدن زوردن کوچیریلگنلرینی ادعا قیلگن ایدیلر.
