هرات ولایتی انجیل تومنینینگ «دهمهری» قیشلاغیده یوز بیرگن آتیشمه قربانلرینینگ جنازه مراسمی، بوگون (۲۵-حمل، سهشنبه)، مذکور ولایت یشاوچیلرینینگ کینگ اشتراکی بیلن هرات شهریده اوتکزیلگن.
محلی منبعلرگه کوره، قربانلردن سکیز تهسینینگ جسدی هرات شهریده «سلطانآقا زیاتگاهی» و باشقه اوچ تهسینینگ جسدی ایسه «دهمهری» قیشلاغیده توپراققه تاپشیریلگن.
مذکور واقعه قربانلری یقینداشلری، اسلام امیرلیگیدن اوشبو آتیشمه عامللرینینگ قولگه آلینیشی و جزالنتیریلیشینی سورهگنلر.
شوندهی بیرحالده، هرات معلومات و مدنیت ریاستی باشلیغی احمدالله متقینینگ ایتیشیچه، دهمهری قیشلاغیده یوز بیرگن آتیشمه گه تیگیشلی بیر کیشی قولگه آلینیب و بو توغریده تیکشیروولرنینگ دوامی بار.
۲۱-حمل، جمعه کونی انجیل تومنینینگ «دهمهری» قیشلاغیده دم آلیش اوچون ییغیلگن بیر قطار کیشی، قوراللی تورت کیشی آرقهلی اوققه توتیلگن.
محلی مسئوللرنینگ معلوماتی اساسیده، اوشبو واقعهده ۱۱ کیشی «شهید» و باشقه سکیز کیشی ایسه یرهلنگن.
حاضرگچه، بیرار گروه یا-ده کیشی، بو واقعه مسئولیتینی بوینیگه آلمهگن.
