هلمند ولایتیده «سیلاب» انسان پرورلیک خیریه مسئول‌لری نینگ ایتیشلریچه، اوشبو ولایت نینگ مرکزی لشکرگاه شهری‌ده بوگون ۱۱۰ قیز و اوغیل نینگ گروهی اویله‌نیش مراسمینی اوتکزدیلر. «سیلاب» انسان پرورلیک نهاد باشلیغی گه کوره، اوشبو توی مراسمی‌ده ۱۰ مینگ کیشینی چقیرگنلر و اوشبو توی‌دن مقصد، ناقولی رسم-رواج‌لر و آغیر خرجت‌لرنی آلدینی آلیش دیر.
انه شوحالده، مذکور خیریه نهاد متصدی‌لری گه کوره، «سیلاب» خیریه نهادی، توی مراسم‌لری خرجت‌لرینی توللش گه علاوه، کیاو کیلین گه کویلک، کیلین اوچون آرایشی مواد، کیر یویش ماشینه و باشقه اوی لوازمی نظر گه توتیلگن که بی‌پول اولر گه بیریله‌دی.
بیزلرنینگ فیسبوک صحیفه‌میزگه باش اورینگ!
اولر نینگ ایتیشلریچه، مملکت بویلب ناقولی رسم-رواج‌لر باعث، یاش‌لر چیت ایل گه ایشلش اوچون باریب و یاشلیگینی باشقه مملکت‌لر نینگ آبادانچیلیگی و ترقیاتی اوچون اوتکزه دیلر. مذکور نهاد باشلیغی گه کوره، اوشبو گروهی توی مراسمی‌ده، قین‌آته عایله‌سی ۵۰ ته و کیاو ۳۰ دن ۸۰ فایز و باشقه بیر قطاری برچه طویانه «قلین» نی بخیشله‌گن.
اوشبو گروه‌ده ۱ میلیون ۲۰۰ مینگ کلدار قلین‌نی کیاو گه بخیشله‌گن عایله‌لر هم بار دیر. سیلاب نهادی باشلیغی نینگ ایتیشیچه، بو نهاد حاضرگچه مملکت بویلب توی مراسمی خرجت‌لری کوپلیگی و قلینی یوقاریلیگی باعث اویلنه آلمه‌ی قالگن ۲۵۰۰ توی مراسمینی اوتکزگن.
بیزلرنینگ توییترده هم تعقیب قیلینگ!
سیلاب نهادی متصدی‌لری، کیله‌جک‌لرده هم کمبغل یا هم توی مراسم‌لری خرجت‌لرینی توللـه‌ی آلمه‌گنلر نینگ توی مراسم‌لرینی اوتکزیش گه متعهد دیر. ایتیش کیره‌ک که سیلاب خیریه جمغرمه‌سی بوندن آلدین اولکه بیرقطار ولایت‌لریده قشاق عایله‌لر نینگ گروهی توی مراسم‌لرینی اوتکزگن.
