غزنی ولایتی بوییچه ایکینچی‌لیک ریاستی نینگ چارواچیلیک آمری فایق احمدی نینگ ایتیشیچه، سابق‌لرده اوشبو ولایت سوو توغانلریده تورلی بلیق‌لر بار ایدی، لیکن قوروقچی‌لیکلر سبب، حاضرده اوشبو بلیق‌لر رشدی کمه‌یگن.
جناب احمدی نینگ کوپه‌یتیریشیچه، اولر ایکینچی‌لیک وزیرلیگی آرقه‌لی بلیق ییتیشتیریش ریجه‌سینی جمهورلیک ریاستی نینگ ایکینچی اورین باسرلیگی بیلن شریک قیلگن.
اونینگ ایتیشیچه، سونگی ییل‌لرده غزنی ولایتی نینگ مالستان و قره‌باغ تومنیده ایکی خصوصی فارم ایجاد ایتیلگن و اوشبو ولایت بوییچه ایکینچی‌لیک و چارواچیلیک ریاستی جاری ییلده غزنی مرکزیده تعلیم بیریش بیر فارن ایجاد قیلیش‌گه قصد قیلگن.
غزنی ولایتی بوییچه ایکینچی‌لیک ریاستی نینگ چارواچیلیک آمری نی ایتیشیچه، بلیق صناعتی‌نی رواجلنتیریش اوچون کیله‌جک ییل‌لرده اوشبو ولایت نینگ بیرقطار تومن‌لریده بلیق فارمی ایجاد قیلیش‌گه قرار قیلگن.
غزنی یشاوچیلری نینگ ایتیش‌لریچه، بوندن آلدین اوشبو ولایت سوو توغانلریده بلیق‌لر طبیعی شکلده رشد قیلیب و بازار ده ساتیله‌ریدی، لیکن حاضرده باشقه ولایت‌لردن غزنی‌گه کیلتیریله‌دی.
عین‌حالده، بو صناعت‌گه علاقمند بولگن بیرقطار کیشی‌لرنینگ ایتیش‌لریچه، ایکینچی‌لیک ریاستی مسلکی و مالی بولیم ده تعلیم بیرگن صورتده، بوتوغریده سرمایه یاتقیزیش‌گه تیار دیرلر.
غزنی یشاوچی‌لریدن بیری عطالله بختیاری نینگ ایتیشیچه، اوشبو ولایتده بلیق ییتیشتیریش فارمی کم دیر و بوتوغریده دقت بولگن صورتده، کوپ‌قطار کیشی‌لرگه ایش زمینه‌سی یره‌تیله‌دی.
ایتیلیشیچه، بوندن آلدین سلطان، سرده و باشقه بیرقطار سوو توغان‌لرده بلیق بار ایدی و طبیعی شکلده رشد قیله‌ریدی، لیکن سونگی ییل‌لرده قوروقچیلیک سبب، کمه‌یگن.
