فاریاب مرکزی میمنه شهری ده‌گی منبع‌لر نینگ سلام‌وطندار گه ایتیشیچه، اوزبیکستان‌لیک اسلامی امارت نینگ بیر اعضاسی، بوگون (چهارشنبه، ۹ سنبله) اوشبو ولایت نینگ مرکزی میمنه شهری «سبز» منطقه‌سیده مسجد ایچیده نشانگه آلینگن.
منبع‌لر گه کوره، «عثمان» اسملی مذکور کیشی کوپ زمان‌لردن بویان اوشبو منطقه ده تیریکچیلیک قیلر ایدی.
بیزلرنینگ فیسبوک صحیفه‌میزگه باش اورینگ!
منبع‌لر نینگ کوپه‌یتیریشیچه، اوزبیکستان‌لیک اسلامی امارت نینگ اوشبو اعضاسی نشانگه آلینیشیدن کیین، میمنه کسلخانه‌سیگه انتقال بیریش چاغیده یولگه کوپ قان بیریشی باعث جان بیرگن.
کسلخانه ده‌گی بیر منبع نینگ ایتیشیچه، اسلامی امارت کوچلری اونینگ جسدینی کسلخانه گه انتقال بیریش چاغیده، شفاکارلرنی اویقودن اویغاتیش اوچون هوا گه اوق آتگنلر.
بیزلرنینگ توییترده هم تعقیب قیلینگ!
منبع‌لر نینگ ایتیشلریچه، حاضرگی کونده اوزبیکستان‌لیک اسلامی امارت اعضالری فاریاب ولایتی نینگ مرکزی میمنه شهری سبز منطقه‌سی و المار تومنیده تیریکچیلیک قیله‌دیلر و اولر گه حکومت مسئوللری تامانیدن دولتی ایش بیریلمه‌گن.
