تخارده امنیتی منبع کیملیگی سیر قالیش شرطی بیلن سلام وطندارگه ایتیشیچه، اسلامی امارت کوچلریدن صداقتگه مشهور گلبدین بوگون اوشبو ولایت نینگ مرکزی تالقان شهری «زرگری» منطقهسیده ناتانیش قورالی کیشیلر تامانیدن اوققه توتیلیب اولدیریلگن.
منبع نینگ کوپیتیریشیچه، قورالی شخصلر اسلامی امارت نینگ مذکور حربی عسکرینی اوققه توتیب اولدیریشیدن کیین قورال-یراغلرینی آلیب کیتکنلر.
بیزلرنینگ فیسبوک صحیفهمیزگه باش اورینگ!
شونینگدیک تخار حاکمی نینگ سوزلاوچیسی خانزرین منهاجگه کوره، صداقتگه مشهور گلبدین، بوگون تالقان شهری تورتینچی خوفسیزلیک حوزهگه قرهشلی «زرگری» منطقهسیده اوغریلر تامانیدن نشانگه آلینیب اولدیریلگن. او بو توغریده معلومات کیریتمهگن.
عین حالده اوتکن کونی تخاربیلیم یورتی منطقه سیده قورالی ناتانیش کیشیلر، تخار ایکینچیلیک ریاستی نینگ بریالی ناملی خادمینی اوققه توتیب و موترینی آلیب کیتکن ایدیلر.