فاریاب‌ده‌گی محلی منبع‌لر نینگ سلام‌وطندارگه ایتیشلریچه، اوشبو ولایت نینگ قیصار تومنی «یکه‌باغ» قیشلاغیده بیر کیشی، اسلامی امارت نینگ بیر عسکری شامل ۵ کیشی‌نی کلاشینکوف قورالی بیلن اوققه توتیب اولدیرگن.
منبع‌لر نینگ ایتیشلریچه، «فراح‌الدین» ناملی مذکور کیشی، بوگون ایرته‌لب اویی‌ده آته‌سی بیلن لفظی تارتیشگندن کیین آته‌سی و خاتینینی اوققه توتیب اولدیرگن. منبع‌لرگه کوره، مذکور کیشی آته‌سی وتورموش اورتاغینی اوققه توتگندن کیین، خاتینی نینگ قرینداش‌لریدن اوچ کیشی‌نی اوققه توتیب اولدیرگن.
بیزلرنینگ فیسبوک صحیفه‌میزگه باش اورینگ!
باشقه تاماندن اوشبو منبع‌لر نینگ ایتیشلریچه، فراح‌الدین۵ کیشی‌نی اولدیرگندن کیین بیر مسجد گه پناه ایزلب بارگن و اسلامی امارت کوچلری تامانیدن قمراوگه آلینگن.
فراح‌الدین اسلامی امارت کوچلری تامانیدن محاصره‌دن سونگ، قریب تورت ساعت اوشبو کوچلر بیلن آتیشگن و اسلامی امارت کوچلریدن بیرینی اولدیریب و بری-بیر اوزی هم اسلامی امارت کوچلری تامانیدن مسجد ایچیده اولدیریلگن.
مذکور منبع‌لر نینگ معلومات‌لری اساسیده، فراح‌الدین نینگ آته‌سی آغیر یره‌لنگن و حاضر میمنه شهری نینگ مرکزی کسلخانه‌سیده دارو-دوالنماقده دیر.
بیزلرنینگ توییترده هم تعقیب قیلینگ!
شو بیلن بیرگه محلی باشقه منبع نینگ سلام‌وطندارگه ایتیشیچه، فراح‌الدین بنگوار ماده‌گه چلینگن و سونگی کون‌لرده قورال-یراغ ساتیش گه یوز کیلتیرگن ایدی.
اوشبو واقعه سببی حاضرگچه انیقلنمه‌گن. فاریابده اسلامی امارت مسئول‌لری حادثه‌گه باغلیق هیچ نرسه دیمه‌گنلر.
