Asset 1SWN

فاریاب ده طالبان ۴ تینچ‌اهالی و بیر حربی نی اوققه توتیب اولدیرگن

Faryab-Pic-p4fwfctcif71onbcg7y0m7cst17lk2ldv6pzo52m50

فاریاب محلی منبع‌لری نینگ ایتیش‌لریچه، طالبان اوتگن کیچه مذکور ولایت نینگ گرزیوان تومنیده بیر آنه و قیز و ایکی ایناغه‌ شامل ۵ کیشی نی اوققه توتیب اولدیرگن.

آتی فاش ایتیلیشی نی ایستمه‌گن محلی بیر منبع نینگ سلام‌وطندارگه ایتیشیچه، طالبان پنج‌شنبه کیچه گرزیوان تومنی نینگ «سرچکان» منطقه‌سیده، ایکی ایناغه نی بیر باغ نینگ ایچیده اوققه توتیب اولدیرگن. اونگه کوره، بو ایکی ایناغه تینچ‌اهالی ایکن.

منبع نینگ کوپه‌یتیریشیچه، مذکور ایکی کیشی گرزیوان تومن محلی قومندان‌لریدن بیری نقیب‌الله طوفان نینگ اقارب‌لریدن ایکن. گرزیوان ده مردمی کوچلر قومندانی نقیب‌الله طوفان بو خبرنی تصدیق‌لب ایتیشیچه، طالبان مذکور ایکی کیشی نی اونینگ اقاربی بولگنی جرمی بیلن اولدیرگن.

عین حالده، گرزیوان تومن ولسوالی فیض‌الله رحمانی نینگ ایتیشیچه، بوگون ایرته‌لب ملاحشمت‌الله ناملی طالبان گروهی نینگ قومندان‌لریدن بیری بیر حربی نی سینگلی‌سی و سینگلی‌سی نینگ اوغلی بیلن اوققه توتیب اولدیرگن. اونگه کوره، بو حادثه گرزیوان تومنی نینگ «جرقلعه» قیشلاغیده یوزبیرگن.

طالبان ایکی ایناغه نینگ اوققه توتیب اولدیریلگنی نی رد قیلگن، بیراق باشقه اوچ کیشی نینگ اولدیریلگنی توغریسیده فکر بیلدیرمه‌گن.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام