بوگون “پنجشنبه” فاریاب ولایتی نینگ شیرینتگاب تومنیده طالبان تامانیدن آتیلگن هاوان اوقی نتیجهسیده، 3 تینچ اهالی هلاک و باشقه 12 کیشی یرهلنگن.
فاریاب ولایتیدن امنیتی بیر منبع نینگ کیملیگی سِرقالیشنی ایستهب سلاموطندارگه ایتیشیچه، طالبان جنگریلری اوشبو ولایت نینگ شیرینتگاب تومنی اوستیگه هاوان آتگن.
منبع نینگ کوپهیتیریشیچه، بو واقعهده 2 عیال و بیر باله هلاک و 12 کیشی یرهلنگن.
مذکور منبع گه کوره، اوشبو حادثهده هلاک و یرهلنگنلر تینچ اهالی دیر و بو واقعهدن امنیتی کوچلرگه زیان ییتیشمهگن.
عینحالده، فاریاب پولیس قومندانلیگی سوزلاوچیسی عبدالکریم یورش نینگ بو خبرنی تصدیقلب ایتیشیچه، مذکور واقعهده 4 تینچ اهالی هلاک و باشقه 14 تینچ اهالی یرهلنگن.
طالبان گروهی حاضرگهقدر بوتوغریده فکر بیلدیرمهگن.