چیگره بیلمس گزارشگرلر تشکیلاتی، افغانستانده بشر حقوقی وضعیتینی تیکشیریش اوچون بیرلشگن ملت‌لر تشکیلاتی نینگ مخصوص گزارش‌گری ریچارد بنیت گه یوللـه‌گن مکتوبی‌ده، افغانستان ده‌گی خبرچی‌لر و ایرکین میدیالردن حمایت ایتیشینی طلب قیلگن.
مذکور تشکیلات گه کوره، سونگی هفته‌لرده، خبرچی‌لر و میدیا ایشلاوچیلری نینگ اوز باشیمچه‌لیک شکلده قولگه آلینیش جریانی کوپه‌یب و میدیا ایشلاوچیلری نینگ اضطرابی گه سبب بولگن. چیگره بیلمس گزارشگرلر افغانستاندهگی خبرچی‌لر و ایرکین میدیالر حمایت ایتیلیشینی سوره‌یدیلر.
بیزلرنینگ فیسبوک صحیفه‌میزگه باش اورینگ!
مذکور تشکیلات نینگ حقوقی راهبردی و خلق‌ارا حمایت‌لرنی جلب ایتیش بولیمی مدیری آنتوان برنارد نینگ ایتیشیچه: «دنیا وضعیتی اوچون افغانستان برابری‌ده بی فرق بولمسلیک کیره‌ک. بیز بیرلشگن ملت‌لر تشکیلاتی نینگ مخصوص گزارش‌گری ریجارد بنیت‌دن، افغانستاندهگی آزاد خبرچی‌لر و مستقل میدیالرنی قوللب-قوتلش اوچون برچه تامانلمه حمایت‌لرنی جلب ایتیشینی سوره‌یمیز.»
مکتوب‌ده کیلیشیچه، سونگی آی‌لرده خبرچی‌لر و ایرکین میدیالر گه چیکلاولر یره‌تیلیب و اوز باشیمچه‌لیک قولگه آلینیش‌لر کوپه‌یگن، اسلامی امارت استخباراتی صوتی و تصویری میدیالر دستورلرینی اوزگرتیریب، مستقیم روشده میدیالر دفتری گه کیریب و خبرچی‌لرنی قولگه آله‌دی.
اوشبو مکتوب‌ده، آخرگی آی‌لرده ایریم بهانه‌لر سبب قولگه آلینگن خبرچی‌لر و میدیا ایشلاوچیلریدن آت توتیلگن، اولردن قطاری تیرگاودن کیین قوییب یوباریلگن و بیرقطاری نینگ تقدیری حاضرگچه نامعلوم دیر.
چیگره بیلمس گزارشگرلر نینگ ایتیشلریچه، اسلامی امارت سوزلاوچیسی و معلومات و مدنیت وزیرلیگی نینگ نشراتی معینی ذبیح‌الله مجاهد، ۱۴۰۰-ییل ۱۴ دلوده، سابق دولت زمانیده‌گی میدیالر قانونی عملی بولیب و هیچ بیر قیینچیلیک یوقلیگینی ایتگن ایدی. شونینگدیک او، میدیالر تخطی کمیسیونی تیزلیک بیلن شکللنیب و خبرچی‌لر گه عاید برچه مسئله‌لر اوشبو کمیسیون‌ده حل بولیشینی بیلدیرگندی.
بیزلرنینگ توییترده هم تعقیب قیلینگ!
اوشبو تشکیلات، بیرلشگن ملت‌لر تشکیلاتی نینگ مخصوص گزارش‌گری‌گه یوللـه‌گن مکتوبی‌ده، حکومت رسمی‌لری میدیا قانونینی قبول قیلیشی گه قره‌گنده، استخبارات و باشقه نهادلر تامانیدن حبس‌گه آلینیش‌لر اوز باشیمچه‌لیک وناقانونی ایکن‌لیگیدن درک بیره‌دی دیب تأکید لنگن. مکتوب‌ده کیلیشیچه، اوشبو نهادلر قانون-قاعده‌لر اساسیده، تیکشیرمسدن و تخطی کمیسیونی نینگ نظرینی آلمسدن، خبرچی‌لرنی حبس‌گه آلیش حقلری یوق دیر، افغانستان خبرچی‌لری و میدیالری نینگ کیتمه-کیت خواهش-ایستک‌لری بیلن، میدیالر تخطی کمیسیونی حاضرگچه فعال بولمه‌گن.
چیگره بیلمس گزارش‌لر، ۱۴۰۰-ییل دلو آیی‌ده، افغانستانده اسلامی امارت حاکمیت‌نی قولگه آلیشیدن بویان، اسلامی امارت کوچلری تامانیدن چمه‌سی ۵۰ خبرچی و میدیا ایشلاوچیلری نینگ قولگه آلینیش موردلری رویخط گه آلینگنینی اعلام قیلگن ایدی.
