سلاموطندار تامانیدن افغانستاننینگ سکیز ولایتیدن ۲۶ نفر یاش (۱۶ قیز و ۱۰ اوغیل) بیلن اوتکزیلگن صحبت شونی کورستهدی کی، خواه ایجابی، خواه سلبی بولسین یاندهشوو عادتلر بو یاشلرنینگ موفقیتی، روحی آسایشتهلیگی و اجتماعی مناسبتلریده تعیین قیلووچی رول اوینهیدی.
سلاموطندار تامانیدن چیت ایل تیللرینی اورگنهیاتگن ۲۴ عیال بیلن اوتکزیلگن صحبت نتیجهلری شونی کورستهدی کی، افغانستانده کوپلب عیاللر تعلیم آلیش، ایش تاپیش و مهاجرت قیلیش اوچون چیت تیللرینی اورگنماقده. گزارشده صحبت قیلگن عیاللردن ۱۵ نفری تعلیمنی دوام ایتتیریش و مهاجرت قیلیش اوچون چیت تیللرینی اورگنهیاتگنینی معلوم قیلگن. شو بیلن بیرگه، اوشبو عیاللردن ۲۰ نفری چیت تیللرینی ایش تاپیش مقصدیده اورگنهیاتگنینی ایتگنلر.
قندوز ولایتیده حاملهدار آنهلردن قطاری تنهنینگ شیشیشی معماسیدن اذیت چیکماقده. اوشبو معما ایسه اولرنینگ کوندهلیک حیاتیگه سلبی تاثیر قوییب، مناسب طبی یاردم و آگاهیلیکنی طلب ایتهدی. شفاکارلرنینگ ایتیشلریچه، بو وضعیت اینیقسه حاملهدارلیکنینگ سونگی آیلریده آنه و چقهلاق ساغلیگی اوچون جدی عاقبتلرگه سبب بولیشی ممکن.
بدخشان ده دهقانلردن قطارینینگ ایتیشلریچه، اوتگن ییللرگه قرهگنده بو ییل یاغینگرچیلیک منظمراق بولیب، ایکینچیلیک ییرلریگه ایجابی تاثیر قویگن. اولرگه کوره، مذکور ولایتنینگ ییرلریدن کوپینچهسی للمی دیر و سونگی ییللرده یاغینگرچیلیکنینگ کملیگی سبب، بو ییرلر حاصلی کمهیگن.
دین عالملرینینگ فکریچه، اوی عیاللر اوچون حجاب کبی دیر اگر اوی ایچیده بیگانه ایرککلر بولمسه، عیال شریعت دایرهسیده اوز خواهشیگه کوره کیینه آلهدی. هراتده ایریم عیاللر سلاموطندار بیلن صحبتده، آتهلری یا کی ایرلری اولر گه اوی محیطیده هم خواهشلریگه قرهب کیینیش گه رخصت بیرمسلیگینی ایتهدیلر.
پایتخت کابل یشاوچیلریدن ایریملری استقلال کسلخانهسیده کیچه تاماندن طبی خذمتلر جملهدن شفاکار ییتیشمسلیگی، بستر یوقلیگی و اوز وقتیده دوالنمسلیک کبی قیینچیلیکلر بیلن روپهره ایکنلریدن شکایت قیلماقده. اولرنینگ ایتیشیچه، ایریم حالتلرده حتا ایمرجنسی کسللر اوز وقتیده قبول قیلینمهیدی – بو مسئله کابل یشاوچیلرینی تشویشیگه سبب بولگن.
پروان بگرام تومنی اولسوالی عبدالله قاسم، اوشبو ولایتده بیش کیشی جملهدن اوچ عیال و ایکی ایرکک همهنینگ آلدیده درهلنگنینی بیلدیردی.
هرات ولایتینینگ سرکلر و کوچهلریده، موترلر اوتیب-قیتیشی و کوندهلیک سیس-شاوقین آرهسیده بیر ییگیت فرقلی بیر یولنی تنلهگن که بو یول قاغاز و سوزلر بیلن باغلیق دیر. ۳۴ یاشر غلامفاروق محمودینینگ ایتیشیچه، بو مسلکده ییللر دوامیده فعالیت قیلیشدن کیین اهالینینگ کتابلردن فایدهلنه آلیشی توغریسیده قولیلیک یرهته آلیشینی توشینگن.
قرغیزستان حکومتی، بو مملکتده ناس ایشلب چیقریش و ساتیشنی منع قیلیش گه قرار قبول قیلگن.
بدخشان ولایتی شغنان تومنی شدوج، سرچشمه و وریزن قیشلاقلرینینگ برقی اوزیلگنیدن قریب بیر ییل اوتماقده ایکن، بو قیشلاقلرنینگ یشاوچیلری برق یوقلیگی سببلی ایریم قیینچیلیکلر بیلن دوچ ایکنلریدن شکایت قیلماقده.
روسیهنینگ سنپترز بورگ شهریده بیر اوسمیر، ۹ قووتلی اوینینگ تامیدن توشیب کیتگن.
بیرلشگن ملتلر تشکیلاتینینگ خلقارا ساغلیقنی سقلش تشکیلاتی افغانستان بولیمی، بدخشانده یوقوملی کسللیکلر حقیده خبردارلیک قیلیش بیر هفتهلیک کمپاین اوتکزیلگنینی بیلدیردی. اوشبو اداره، بوگون (۱۲ جوزا/۲ می، سهشنبه) ایکس صحیفهسیده یازیشیچه، بو کمپاین اروپا اتفاقی یاردمیده و ۲۹ کیشی تامانیدن بدخشاننینگ یفتل بالا و ۹ تومنیده عملگه آشیریلگن.
بیرینچی جون، خلقارا آته-آنهلر کونی بیلن بیرگه کابل یشاوچیلریدن قطارینینگ ایتیشلریچه، عایله جمعیتدهگی بیرینچی اورگتووچی نهاد بولیب، آته-آنهلر بالهلرینی تربیهلش بیلن هر نرسهنی بیلگن، مسئولیتنی حس قیلگن و متعهد نسلنینگ شکللنیشیده اساسی اورینگه ایگه دیر که بو نسل، جمعیتنینگ ترقیاتی و رواجلنیشیگه حصه قوشه آلالهدی.
مملکتنینگ مهم زراعتی ولایتلریدن بیری حسابلنهدیگن غزنی ولایتینینگ یشاوچیلریدن کوپینچهسی، ایکینچیلیک و چاروهچیلیک بیلن شغللهنیب و حیات خرهجتلرینی بو یول آرقهلی تامین قیلهدیلر. سونگی ییللر یاغینگرچیلیکلر کمهیگنی و سوو سطحی پس توشگنی، غزنی ولایتی تومنلریدن قطاریده…
خلقارا تنباکوگه چیک قوییش کونی بیلن بیرگه، کابل ده یشاوچیلردن قطارینینگ ایتیشلریچه، حیات قیینچیلیکلریدن قاچقیش اوچون تنباکو محصوللریگه یوز کیلتیریب و استه-سیکین اولردن استعمال قیلیش بیر عادت گه اوزگرگن.
قندوز یشاوچیلریدن قطارینینگ ایتیشلریچه، دولتی ساغلیقنی سقلش مرکزلریده ضرور دارولرنینگ کوپینچهسی موجود بولمهی، بار دارولر ایسه طلب ایتیلگن صفتگه ایگه ایمس. اولرگه کوره، کمبغللیک و خصوصی داروخانهلرده دارولر قیمتی یوقاریلیگی سبب، کسللر نیازلری بولگن دارولرنی تامین قیله آلمهیدیلر.
