هرات ولایتینینگ سرکلر و کوچهلریده، موترلر اوتیب-قیتیشی و کوندهلیک سیس-شاوقین آرهسیده بیر ییگیت فرقلی بیر یولنی تنلهگن که بو یول قاغاز و سوزلر بیلن باغلیق دیر. ۳۴ یاشر غلامفاروق محمودینینگ ایتیشیچه، بو مسلکده ییللر دوامیده فعالیت قیلیشدن کیین اهالینینگ کتابلردن فایدهلنه آلیشی توغریسیده قولیلیک یرهته آلیشینی توشینگن.
او، عادی بیر موتر بیلن بیر آی آلدین کیچیک کوریلیشی ممکن بولگن بیر ایشگه باشلهگن؛ بیراق بو ایش اهالی بیلن کتاب آرهسیده ینگی علاقهنی یرهتگن. «ییللردن بیری کتاب ساتهمن. کورگزمهلر و یول بویی کتاب کورگزمهلریگه شرکت قیلیش بیلن بونی بیلدیم که پیک کتاب یخشیراق نتیجه بیره آلهدی. انه شوو سبب کتابلی موترنینگ فعال قیلیشگه قرار آلدیم که بو رقم اولکهداشلریمیز کتابدن کوپراق فایدهلنه آلسینلر.»
«پیک کتاب»؛ شخصی بیر قیزیقیش بیلن باشلهنیب و حاضر فرهنگی بیر خذمتگه اوزگرگن. غلامفاروقنینگ ایتیشیچه، پیک کتابنینگ یولگه قوییشی ۴۰۰ دن ۵۰۰ مینگ افغانی خرهجت کوتارگن. محمودیگه کوره، کتابلردن کوپ قسمی ایچکی بازارلردن تیارلهنیب و بویورتمهلردن کوپینچهسی ایچکی یازووچیلرگه تیگیشلی دیر.
اونینگ کوپهیتیریشیچه: «بویورتمهلر بیللی ایمس، بعضی کونلر هرات و هراتدن تشقریدن ۱۰-۱۵ ته کتاب سفارش آلهمن. کوپراق کتابلرنی هرات دن تیارلهیمن. کتاب بویورتمهلردن کوپراغی ایچکی یازووچیلریمیزدن دیر.»
او، حاضر تلیفونی علاقه و اجتماعی ترماقلر آرهسیده بویورتمهلرنی آلیب و شهرنینگ هر بیر چیککهسیگه ییتیشتیرهدی. محمودیگه کوره، بو ایش یالغیز درآمد منبعسی ایمس، بلکیم مطالعه فرهنگینینگ تیریک سقلش اوچون سعیوحرکت دیر. «کتابلرنی سیار کورگزمهلرنی اوتکزیش، تلیفون یا-ده اجتماعی ترماقلر آرقهلی بویورهدیلر. کوپراق سینگیللریمیز کتاب سفارش بیرهدیلر.»
باشقه بیرتاماندن، پیک کتاب مشتریلریدن قطاری، بو ایشدن خورسندلیک بیلدیریب و ایتیشلریچه، مذکور پیک یولگه قوییلیشی بیلن عایلهلر و یاشلردن کوپ قطاری اوچون کتابدن فایدهلنیش قولیلشگن.
پیک کتاب مشتریلردن بیری لطیفه ساداتنینگ ایتیشیچه: «پیک کتاب حیات کیچیرهدیگنیمیز محل گه کیلگنیده، یاشلر و بالهلر قیزیقیش بیلن کتابلرنی باریب کورهدیلر و کتاب تنلهیدیلر. بو ایش جمعیتده اهالینینگ آگاهیلیک سطحی یوقاری کیتیشیده جوده فایدهلی دیر.»
مذکور پیک مشتریلریدن باشقه بیری ذبیحاللهنینگ ایتیشیچه، بو کبی برنامهلر یولگه قوییلیشی یاشلر و ییگیتلرنینگ مطالعه گه قیزیقیشی توغریسیده ایجابی تاثیر قویه آلهدی. اونینگ ایشانچیگه کوره، بو کبی تدبیرکارلیکلر کوچهیشی جمعیتده کتاب اوقیش فرهنگی رواجلنیشی همده آگاهیلیک سطحی یوقاری کیتیشیده مهم رول اوینه آلهدی. «مینی فکرمچه بو ایش مطالعه گه یاشلر و ییگیتلرنینگ قیزیقیشی توغریسیده ایجابی تاثیری بار و جمعیتده کتاب اوقیش فرهنگینینگ کوپراق رواجلنتیره آلهدی.»
شوندهی بیرحالده، هرات معلومات و مدنیت ریاستیده مسئوللرنینگ ایتیشلریچه، یاشلرنینگ مطالعه گه تشویق قیلهدیگن و کتاب اوقیش فرهنگینینگ رواجلنتیریش توغریسیده اوتکزیلهدیگن دستورلردن حمایت قیلهدیلر. هرات معلومات و مدنیت ریاستی فرهنگ و هنر آمری عبدالمتین عادلنینگ ایتیشیچه: «معلومات و مدنیت ریاستی کتاب اوقیش فرهنگی رواجلنیشی و کتاب اوقیش اوچون اجتماعی ترماقلردن فایدهلنهدیگن یاشلردن حمایت قیلیب و کتاب اوقیش فرهنگی رواجلنیشی رشد قیلیشی اوچون حرکت قیلهمیز.»
غلام فاروقنینگ کوپهیتیریشیچه، حکومت مسئوللری و سوداگرلر آرقهلی قوللب-قوتلنگنی صورتده، ایشینینگ رواجلنتیرماقچین. «کوپینچه امکانیتگه ایگه بولیب همده مسئوللر و سوداگرلر آرقهلی حمایت بولسم، ۱۰۰ فایز دستورلرنی کوچهیتیرماقچینمین.»
اوشبو تدبیرکارلیک، کتاب و اهالی اویلری آرهسیده بیر کوپریککه اوزگرگن که بو کوپریک، برچه قیینچیلیکلر اورتهسیده مطالعه چراغینینگ یاختیراق سقله آلیشی ممکن.
