بیرلشگن ملتلر تشکیلاتینینگ خلقارا ساغلیقنی سقلش تشکیلاتی افغانستان بولیمی، بدخشانده یوقوملی کسللیکلر حقیده خبردارلیک قیلیش بیر هفتهلیک کمپاین اوتکزیلگنینی بیلدیردی.
اوشبو اداره، بوگون (۱۲ جوزا/۲ می، سهشنبه) ایکس صحیفهسیده یازیشیچه، بو کمپاین اروپا اتفاقی یاردمیده و ۲۹ کیشی تامانیدن بدخشاننینگ یفتل بالا و ۹ تومنیده عملگه آشیریلگن.
خلقارا ساغلیقنی سقلش تشکیلاتیگه کوره، اوشبو کمپاینده ۳۷ مینگدن آرتیق کیشی یوقوملی و آلدینی آلیش ممکن بولگن جملهدن اوتکیر سوولی ایچ کیتیش، اوتکیر نفس قیسیلیش، قیزهمیق، کانگو ایسیتمهسی، بیزهک (ملاریا) و دنگی ایسیتمهسی کبی کسللیکلرنینگ بیلگیلری، آلدینی آلیش یوللری همده ایرته دوالش اصوللری حقیده خبردارلیک قیلینگن.
مذکور نهادنینگ کوپهیتیریشیچه، عایلهلر گه اوز وقتیده انیق طبی معلومات ییتکزیش، انسانلر حیاتینی سقلب قالیشگه یاردم بیرهدی.
