پروان یشاوچیلریدن قطاری نینگ ایتیشلریچه، اوشبو ولایتده لشمانیا (سالدانه) کسللیگی گه چلینگنلر سانی کوپهیگن و اولر دوالش خذمتلریدن فایدهلنه آلمهیدیلر.
پروان ملکی کسلخانهسی نینگ سالدانه کسللیگینی دوالش بولیمی گه ییتی یاشر اوغلی نی دوالش اوچون کیلتیرگن اوشبو ولایت جبلالسراج تومنی یشاوچیسی بولمیش خردآقا نینگ ایتیشیچه، مذکور ولایت یشاوچیلریدن کوپینچهسی اوشبو کسللیککه چلینگن دیر. اونینگ کوپهیتیریشیچه: «بیر اوغلیمده سالدانهسی بار، جبلالسراج کلینیکیده داروسی تاپیلمهدی و پروان گه کیلدیک، قولیده سالهدانه چیقگنیدن ایکی-اوچ آی بولگن؛ بیراق داروسی یوق. کلینیکده دارو بیریلیشی و اوشبو کسللیک نینگ درمانلنیشی نی ایستهیمیز.»
بیزلرنینگ فیسبوک صحیفهمیزگه باش اورینگ!
شونینگدیک ایکی بالهسی مذکور کسللیککه چلینگن سالنگ تومنی «کوکلامی» قیشلاغی یشاوچیسی بولمیش جمشید، دوالش خذمتلر نینگ یوقلیگیدن شکایت قیلهدی.
جمشید نینگ ایتیشیچه: «قریب اوچ یا-ده تورت آی بولهدی که ایکی بالهم سالدانه کسللیگی گه چلینگن، حتا مکتب گه هم کیلتمهیدیلر، بالهلر و صنفداشلری مسخره قیلهدیلر. درمان اوچون آلیب کیتهمیز، تومن کلینیکلریده نه دارو بار و نه شفاکار؛ کوپینچه قیینچیلیک بیلن روپهرهمیز.»
شوندهی بیرحالده، پروان ساغلیقنی سقلش ریاستی مسئوللری هم لشمانیا کسللیگی گه چلینگن کسللر سانی نینگ کوپهیگنی نی تصدیقلب ایتیشلریچه، مذکور ولایتده کسللر گه دوالش خذمتلری عرضه قیلینیشی نینگ دوامی بار.
پروان ساغلیقنی سقلش ریاستی نینگ یوقمه کسللیکلر بولیمی مسئولی عبدالسلام حنیف نینگ اورغولشیچه، اوشبو ولایتده درمانی مرکزلردن قطاری، دارو کملیگی بیلن روپهره دیر.
بیزلرنینگ «ایکس» ترماغی ده هم تعقیب قیلینگ!
عبدالسلام حنیف نینگ کوپهیتیریشیچه: «ولایتی کسلخانهده بیر دفتر بار که لشمانیا خذمتلری صورت تاپهدی، شونینگدیک پروان ده ۱۴ ته ساغلیق مرکزیمیز بار. لشمانیا داروسی برچه کیلینیکلرده موجود دیر. بعضی ییرلرده کم دیر، رسمیلر بیلن ارتباطدهمیز و اهالی نینگ قول تاپیشی اوچون سعی و حرکت قیلهمیز. قریب اوتگن ییل ۱۱۹۸ کسل نی درمان قیلدیک و بو ییل باش آلتی آییده، ۵۰۰دن آرتیق کیشی درمانلنگن.»
شفاکارلر گه کوره، شخصی نظافت خصوصیده توجهسیزلیک و سالدانه میکروبی نی انتقال بیرهدیگن پشهلر تامانیدن چاقیلیش، اوشبو کسللیک نینگ کوپهیش اصلی عامللریدن دیر.