خلقارا تنباکوگه چیک قوییش کونی بیلن بیرگه، کابل ده یشاوچیلردن قطارینینگ ایتیشلریچه، حیات قیینچیلیکلریدن قاچقیش اوچون تنباکو محصوللریگه یوز کیلتیریب و استه-سیکین اولردن استعمال قیلیش بیر عادت گه اوزگرگن.
کابل یشاوچیسی بولمیش ۲۷ یاشر فریدوننینگ ایتیشیچه، روحی باسیملر و حیات قیینچیلیکلری سبب، سگرت چکیشگه یوز کیلتیریب و بو ایش اونینگ اوپکه و تیشلری ساغلیگیگه ضرر ییتکزگن. «سگرت چکیشیمدن سکیز آی بولگن. باشده بیر شوق بولهدی؛ بیراق کیین بیر عادتگه اوزگریب و سگرت دودی نفس قیسمه گه سبب بولهدی.»
تنباکو محصوللریدن استعمال قیلهدیگن کابل یشاوچیلریدن باشقه بیری سبحانالله یفتلینینگ ایتیشیچه، مذکور نرسهلرنی ترک قیلیش مقصد سعیوحرکت قیلماقده. «تنباکو محصوللرینینگ هیچ بیری یخشی ایمس؛ سگرت معتاد بولیش، نفس قیسمه و تیشلرنینگ بوزیلیشیگه سبب بولهدی. انه شوو سبب اونی ترک قیلماقچینمین.»
شونینگدیک محمدواسیع احمدیگه کوره، ناتوغری کیشیلر بیلن علاقهده بولیش، اونینگ سگرت چکیشگه معتاد قیلیب و حاضر ۴۵ ییلدن بیری اوندن فایدهلنهدی. «اعصابم بوزیلگنی کونلرده، حتا سکیز سرکت هم چکهمن. یاشلردن تنباکو محصوللریدن فایدهلنمسلیکلرینی سورهیمین. سپورت قیلسینلر، دم آلیش جایلرگه بارسینلر و انسان ساغلیگیگه ضرر ییتکزهدیگن نرسهلردن اوزاق بولسینلر.»
باشقه بیرتاماندن، خلقارا ساغلیقنی سقلش تشکیلاتی افغانستان بولیمی، خلقارا تنباکوگه چیک قوییش کونی مناسبتی بیلن اعلام قیلیشیچه، تنباکو صناعتی الدهتووچی اوسلوبلردن فایدهلنیش همده شیرین مزهسی بیلن، مذکور مادهلرنینگ اولدیرووچی خوفلرینی یاشینتیرهدی.
مذکور نهاد، یشاوچیلردن دودسیز محیطلرنی یرهتیش بیلن بیر-بیرینینگ ساغلیگینی سقلشده حصه قوشیشلرینی سورهگن.
بو بیلن بیرگه، شفاکارلردن قطارینینگ ایتیشلریچه، تنباکو محصوللریدن استعمال قیلیش یورهک کسللیکلری، معده قیینچیلیکلری، تنهنینگ مدافعه سیستمی ضعیف بولیشی همده تورلیخیل سرطانلرگه چلینیشنی کوپهیتیره آلهدی.
کابل ده انتانی کسلخانه متخصصی فریدالله عمرینینگ ایتیشیچه، یشاوچیلر تنباکو محصوللریدن فایدهلنیش آلدی آلینیشی اوچون جسمانی فعالیتلرنینگ کوپراق عملگه آشیریشلری کیرهک. «تنباکو محصوللری کوپراق تورلی سرطانلرگه سبب بوله آلهدی؛ فکریمیز بوزیلگنی و استرسده بولگنیمیز پیتده جسمانی فعالیتلرنینگ عملگه آشیریشیمیز همده تنباکو نسلیدن اوزاق بولیشیمیز کیرهک.»
اسلام امیرلیگی ساغلیقنی سقلش وزیرلیگی، افغانستان ده تنباکو محصوللریدن استعمال قیلهدیگنلر توغریسیده ینگی بیر معلوماتنی شریک قیلمهگنی بیرحالده، لیکن مذکور وزیرلیک ۱۴۰۳-ییلده یشاوچیلردن ۲۷ فایزینینگ تنباکودن منظم شکلده فایدهلنیشی و بو آرهده ۲.۶ فایزینینگ عیاللر تشکیل بیریشینی معلوم قیلگن ایدی.
