قرغیزستان حکومتی، بو مملکتده ناس ایشلب چیقریش و ساتیشنی منع قیلیش گه قرار قبول قیلگن.
ییتکرمهلرنینگ معلوماتیگه کوره، قرغیزستان حکومتی میلادی ۲۰۴۰ ییلگچه مولجللنگن جمعیت سیاست کنوانسیونینی تصدیقلهگن، اونگه اساس بو مملکتده ناس (نسوار) ایشلب چیقریش و ترقهتیش تولیق منع قیلینهدی.
شونینگدیک، الکولی ایچیملیکلر و سگرتنی ساتیب آلیش اوچون آدملر یاشی ۲۰-۲۱ گچه بولیشی ریجهلشتیریلماقده. الکول و تماکی (تنباکو) محصولاتلرینی تونگی وقتده همده اینترنت آرقهلی ساتیشگه هم چیکلاولر جاری ایتیلهدی.
بوندن تشقری، اکسیز سالیقلرینی آشیریش آرقهلی اوشبو محصولاتلر نرخینی قیمتلشتیریش کوزده توتیلگن. حکومت وایه گه ییتمهگنلرنی ضررلی عادتلردن حمایه قیلیش مقصدیده تماکی و الکولی محصولاتلری ریکلمهسی (اعلانات) اوستیدن نظارتنی هم کوچهیتیریشنی ریجهلشتیرهیاتگنی ایتیلگن.