سالنگ قتناو یولی شمال و افغانستان پایتختی اورتهسیده سودا توارلرنی تشیش مهم یونهلیشلردن بیری حسابلنهدی. بو یول قیته تعمیرلنیشی اوچون تیلری موترلرنینگ باریب-کیلیشیگه چیکلاو یرهتیلگنیدن بیر آی اوتماقده. تیلری موترلر هیداوچیلردن ایریملرینینگ ایتیشیچه، بو یونهلیش یاپیلگنی سودا توارلرنی تشیشده اوزاق یوریشگه مجبور بولیب و اولرنینگ خرهجتی کوپهیتیرگن.
اسلام امیرلیگی سوزلاوچیسی ذبیحالله مجاهدنینگ ایتیشیچه، احصائیه و معلومات ادارهسی اوتگن هجری قمری ییلده، یشاوچیلرگه ایکی میلیوندن آرتیق الکترونیکی کیملیک ترقهتگن.
اسلام امیرلیگی سوزلاوچیسی ذبیحالله مجاهدنینگ ایتیشیچه، اقتصاد وزیرلیگی اوتگن هجری قمری ییلده ۸۴ ایچکی موسسه و ایکی تشقی موسسهگه فعالیت جوازینی بیرگن.
اسلام امیرلیگی باش وزیرینینگ اداری اورین باسری مولوی عبدالسلام حنفی، هراتده آزیق-آوقت و داری-درمان همده طبی محصولاتلر صفتینی نظارت قیلیش لابراتوارنینگ آچیلیش مراسمیده، مملکتنینگ تورلی حدودلریده بوندهی مرکزلرنینگ تشکیل ایتیلیشی صفتسیز آزیق-آوقت و داری-درمانلرنینگ آلیب کیریلیشی همده ایشلب چیقریلیشلرنینگ آلدینی آلیشینی بیلدیردی.
ییتکرمهلرنینگ معلوماتیگه کوره، ۱۳ اسد/۴ آگست کونی خلق دیموکراتیک حزبینینگ محلی بولیمی تامانیدن اعلان قیلینگن صورتلرده رسمیلر ساچ، بویین و ییلکهنی یاپیب تورهدیگن مسلمان رومالینی تاققن عیاللر و قیزلر بیلن صحبتلشهیاتگنی، اولر یانیده ایسه پولیس خادمی تورگنینی کوریش ممکن.
اسلام امیرلیگی شهر و قیشلاقلرنی قیته قوریش و رواجلنتیریش وزیرلیگی، مملکت بیش ولایتیده اولکه گه قیتگن بیرمینگ ۱۶۳ عایله گه، دایمی یشش مقصدیده «ییر» ترقهتیلگنیدن خبر بیردی. مذکور وزیرلیک، بوگون (۱۴ اسد/۵ آگست، چهارشنبه) بیر بیانیه ترقهتیب اوشبو ییرلر ننگرهار، پکتیکا، نیمروز، فاریاب و بامیان ولایتلریده قیتگن عایلهلر گه ترقهتیلگنینی بیلدیرگن.
اسلام امیرلیگی عدلیه وزیرلیگی، خوست ولایتیده ۱۵۱ جریب ییر اختصاصی محکمه بویروغی اساسیده، امارتی دیب تانیلگنینی بیلدیردی.
غزنی شهری یشاوچیلری قریب بیش ییل دوامیده، دولت برقیدن فایدهلنیش همده برق پایهلری، لین، میتر و باشقه اوسکونهلرنی ساتیب آلیش اوچون دییرلی ۲۰۰ میلیون افغانی صرفلشگن. دولت برقیدن فایدهلنیش اوچون هر بیر عایله ۱۵ دن ۲۵ مینگ افغانی تولهگن.
اسلام امیرلیگی ایکینچیلیک، سووغاریش و چاروهچیلیک وزیرلیگینینگ ایکینچیلیک و سووغاریش معینی صدراعظم عثمانی، بیر هیئت باشچیلیگیده مالدیف کیتگن. ایکینچیلیک و چاروهچیلیک وزیرلیگی بوگون (۱۲-اسد، دوشنبه)، بیر بیانیه آرقهلی وبسایتیده، بو وزیرلیک هیئتینینگ اوسیملیکلر سقلهنیشی، تکنولوژی، ایکینچیلیک بوییچه تدقیقاتلر…
اسلام امیرلیگی سوزلاوچیسی ذبیحالله مجاهد، «متحد جبهه»سی فقط اجتماعی ترماقلرده فعالیت یوریتهیاتگنینی بیلدیردی.
اسلام امیرلیگی سوزلاوچیسینینگ ایتیشیچه، سونگی بیر ییلده مملکت قونالغهلریدن ۱۲ مینگ ۸۳۲ پرواز عملگه آشیریلگن و اوشبو مدت دوامیده هوا ترانسپورتی آرقهلی بیر میلیون ۵۷۰ مینگدن آرتیق یولاوچی تشیلگن.
سوو ییتکزیش و چیقیندیلرنی تازهلش امارتی کمپنیه، افغانستاننینگ ۶۵۰ مینگ یشاوچیسینی تازه ایچیملیک سوو بیلن تأمینلهگنینی بیلدیردی. مذکور ادارهنینگ اجرائیه باشلیغی غلامالرحمان کظیم گه کوره، بو یشاوچیلر اسلام امیرلیگی حاکمیتنی آلگنیدن اوشبو قویاش ییل باشیگچه، تازه ایچیمیلیک سوو بیلن تأمینلنگن.
بلخ ولایتی محلی مسئولری، اوزبیکستان اوشبو ولایتنینگ «ابو علی سینای بلخی» حوزهوی شفاخانهسیگه طبی جهازلر یاردم بیرگنینی معلوم قیلدیلر.
اسلام امیرلیگی قاچقینلر وزیرلیگینینگ اعلام قیلیشیچه، پاکستان قماقخانهلریدن ۸۸۰ افغانستانلیک آزاد بولگن. مذکور وزیرلیکنینگ بوگون (۸-اسد/۳۰-جولای، پنجشنبه)، بیر بیانیه آرقهلی یازیشیچه، اوشبو کیشیلر پاکستان قماقخانهلریدن آزاد بولیشدن کیین ننگرهار و قندهار قتناو یولیدن افغانستان گه کیلگنلر.
هرات محلی مسئوللری، اوشبو ولایتنینگ زندهجان تومنی کانیدن قیزیب آلینگن «قاره تاش» یوکی بیرینچی مرته «صدف سرد» کمپنیهسی آرقهلی امریکا قوشمه ایالتلریگه صادر قیلینگنینی معلوم قیلدیلر.
اسلام امیرلیگی ایکینچیلیک، سووغاریش و چارواچیلیک وزیرلیگی، فاریاب ولایتیده افغانستان و اوزبیکستان اورتاقلیک باغی برپا ایتیلیشی بو ایکی دولت رسمیلرینینگ اشتراکی بیلن باشلنگنینی معلوم قیلدی.
