پولیو گه قرشی اېملش کمپاینی ایرته مملکت نینگ ۲۱ ولایتی‌ده باشلنه‌دی

مملکت ساغلیق‌نی سقلش وزیرلیگی نینگ (افغانستان ده پولیو نی یوق ایتیش) بولیمی بوگون ایکس اجتماعی ترماغی‌ده، ایرته (دوشنبه) مملکت نینگ ۲۱ ولایتی جمله دن تخار، قندوز، بغلان، نورستان، کنر، لغمان، کاپیسا، پروان، کابل، ننگرهار، خوست، پکتیا، پکتیکا، غزنی، زابل، ارزگان، قندهار، هلمند، نیمروز و فراه ولایت‌لری‌ده باشلنیشینی معلوم قیلگن.

غزنی ده ایکّی کیشی گه قصاص حکمی اجرا اېتیلدی

غزنی حاکمی محمدامین جان عمری گه کوره، اوشبو ولایت ده ایکّی کیشی گه قصاص حکمی اجرا اېتیلگن. اونینگ کوپه‌یتیریشیچه، مذکور ایکّی کیشی گه قصاص حکمی اسلام امیرلیگی ییتکچیسی هبت‌الله آخوندزاده نینگ بویروغی بیلن بوگون (پنج‌شنبه، ۳-حوت) توش دن کیین ساعت ۱۲:۳۰ اطرافی ده غزنی شهری «دشت علی لالا» حدودلری گه قره‌شلی فوتبال سپورت میدانیده اجرا اېتیلگن.

بلخ تیمیر یولی نینگ بوزیلگن قسمت‌لری قیته قوریله‌‌دی

بلخ تیمیر یول اداره‌سی مسئوللری نینگ ایتیشلریچه، اوشبو یۉنه‌لیش نینگ بوزیلگن ریلی و غیر ریلی قسمت‌لرینی قیته قوریش ایشی باشلنگن. اولر گه کوره، بو یۉنه‌لیش نینگ قیته قوریش اوچون آلتی میلیون ۳۰۰ مینگ دالر صرفلنه‌دی. بلخ تیمیر یولی حیرتان سوداگرلیک بندرینی مزارشریف گه باغله‌یدی، بوزیلگن قسمت‌لرینی قیته قوریش ایشی ۲-حوت، چهارشنبه کونی عملی طرزده باشلنیب و ایکّی آی‌گچه ایشی یکونلنه‌دی.

دعوت و یول-یوریقنی کورسه‌تیش اداره باشلیغی: خبرچی‌لر بوندن کیین ساقال قویسینلر

کابل ده معارف وزیرلیگی آرقه‌لی مبلیغ‌لر اوچون یولگه قوییلگن سیمینارده افغانستان دعوت و یول-یوریقنی کورسته‌تیش اداره باشلیغی محمد‌هاشم شهید‌ورور، ییتکرمه‌لر نماینده‌لریدن ساقال قوییشلری نی ایسته‌ب و ایتیشیچه، ییتکرمه‌لر آرقه‌لی صورت و ویدیو آلینیشی گناه کبیره دیر.

تجارت وزیرلیگی ۲۲ ایچکی موسسه بیلن همکارلیک بیتیم امضاله‌دی

صناعت و سوداگرلیک وزیرلیگی، کیچیک و اورته سرمایه یاتقیزیش بولیمی ده ۲۲ ایچکی موسسه بیلن همکارلیک بیتیم امضاله‌گن. صناعت و سوداگرلیک وزیرلیگی ۳۰-دلو، دوشنبه کونی ایکس اجتماعی ترماغی ده، مملکت ترقیاتی اوچون کیچیک‌راق، کیچیک و اورته سرمایه یاتقیزیش بولیمی ده، ۲۲ ایچکی موسسه بیلن اوچ یریم میلیون دن آرتیق دالرلیک کیلیشوونامه امضاله‌گنینی یازگن.

برشنا: اوزبیکستان نینگ وارداتی برقی ۵۰ فایز کمه‌یگن‌

افغانستان نینگ برق ییتکیزیش شرکتی (برشنا) اوزبیکستان نینگ افغانستان گه وارداتی برقی ۵۰ فایز کمه‌یگنیدن خبر بیرگن. برشنا شرکتی ۳۰-دلو، دوشنبه کونی، ایکس اجتماعی ترماغی ده، اوزبیکستان نینگ افغانستان گه وارداتی برقی تخنیکی قیینچیلیک باعث ۵۰ فایز کمه‌یگنینی یازگن.

قندهار ولایت مقامی رسمی و نارسمی ییغین‌لرنی صورت گه آلینیشی‌نی تقیق‌لگن

قندهار حاکمی سوزلاوچیسی محمود اعزام نینگ سلام‌وطندار گه ایتیشیچه، یک‌شنبه کونی، ۲۹-دلو، قندهار ولایت مقامی اوشبو ولایت اسلام امیرلیگی رسمی‌لری و برچه نهاد‌لر گه بیر مکتوب یوللش بیلن، رسمی و نارسمی ییغین‌لر و احتفال‌لرنی صورت گه آلینیشی‌نی تقیق‌لگن.

افغانستان سوداگرلیک و سرمایه یاتقیزیش اتاقی: پاکستان بیلن سوداگرلیک آلیش-بیریش مقداری کمه‌یگن

پاکستان دولتی تامانیدن افغانستان سوداگرلری گه چیکلاولر یره‌تیلیشی بیلن، افغانستان سوداگرلیک و سرمایه یاتقیزیش اتاق مسئووللری و افغانستان-پاکستان سوداگرلیک و صناعت قوشمه اتاقی گه کوره، افغانستان  وپاکستان آره‌سیده سوداگرلیک آلیش-بیریش مقداری کمه‌یگن.

ایش و اجتماعی ایشلر وزیرلیگی ۲۶-دلو نی عمومی رخصتی اعلام قیلدی

سرپرست حکومت ایش و اجتماعی ایشلر وزیرلیگی، ۲۶-دلو، سابق ساویت اتفاقی قوشین‌لری افغانستان دن چیقیشی اوچون مملکت بویلب عمومی رخصتی اعلام قیلگن. ایش و اجتماعی ایشلر وزیرلیگی اوتگن کون ایکس اجتماعی ترماغی ده بیر مکتوب ترقه‌تیب، ایرته ۲۶-دلو پنج‌شنبه کونی، سابق ساویت اتفاقی قوشین‌لری افغانستان دن چیقیشی مناسبتی بیلن عمومی رخصتی دیب یازگن.