اندخوی-میمنه ۱۱۰ کیلوولت برق اوزه‌تیش لینینی ینگی‌لش لایحه‌سی یکونلنیب و رسمی شکلده فایده‌لنیشگه تاپشیریلدی.
اسلام امیرلیگی باش وزیری‌نینگ اقتصادی اورین باسرلیگی، بوگون (۲۳ عقرب/۱۴ نومبر، شنبه) ایکس صحیفه‌سیده بیر بیانیه ترقه‌تیب، اوشبو لایحه اقتصادی اورین باسری ملا عبدالغنی برادر اشتراکی بیلن فایده‌لنیشگه تاپشیریلگنینی معلوم قیلگن.
فاریاب ولایتیده اوشبو مناسبت بیلن اوتکزیلگن مراسمده برادر جنابلری‌نینگ ایتیشیچه، لایحه فایده‌لنیشگه تاپشیریلیشی بیلن ۶۰ مینگ عایله دایمی و برقرار برق بیلن تأمینلنگن.
لایحه منطقه یشاوچیلری‌نینگ برققه بولگن احتیاجلرینی تأمینلشگه قوشیمچه، صناعتی فعالیتلر، اقتصادی و اجتماعی ترقیات اوچون علیحده اهمیت گه ایگه دیگن، ملا عبدالغنی برادر.
اندخوی-میمنه اورته‌سیده برق اوزه‌تیش لینی ۱۳۵ کیلومتر اوزونلیگی بولیب و تخمیناً ۱۴۵ میلیون افغانی صرفلنگن. لایحه افغانستان‌لیک انجنیرلر تامانیدن عملگه آشیریلگن و پولی ایسه اسلام امیرلیگی بودجه‌سیدن توللنگن.
