پایتخت یشاوچیلری شهر سطحی و کوچه‌لرده سیس افلاسلیگی‌دن شکایت قیلگنلری بیرحالده، کابل بلدیه‌سی ینگی بیر اقدام‌ده، لوداسپیکرلردن فایده‌لنیش نی تقیق لگن.
کابل بلدیه‌سی، اوتگن کون، تویتر صحیفه‌سیده بیر بیانیه ترقه‌تیش بیلن یازیشیچه: «کابل بلدیه‌سی، شهر سطحی‌ده آیسکریم، مدنی سوو، سبزه‌وات و قول اوستیده سودا ساته‌دیگنلر، لوداسپیکرلردن قوللنمه‌سینلر. قوللنگنلری صورت‌ده، لوداسپیکرلری توپلنه‌دی.»
کابل بلدیه سوزلاوچیسی نعمت‌الله بارکزی، کابل بلدیه‌سیدن نقل قیلیب ایتیشیچه: «کابل بلدیه‌سی اوشبو قراری گه جدی دیر و ایش نینگ دوامی بار. اهالی گه مزاحمت قیلگن کیشی بیلن، کابل بلدیه‌سی نینگ قانونی یانده‌شیشی ممکن.»
بیزلرنینگ توییترده هم تعقیب قیلینگ!
کابل شهری نینگ سرایی شمالی یشاوچیسی نور‌آغا، «اهالی نی آزار بیره‌دی. سرای شمالی و ده‌افغانان ده لوداسپیکر بار که، بی‌اندازه انسان اینیقسه کسل‌لر گه یامان تیگه‌دی. بعضا میوه ریکشاسی، بعضا سبزه‌وات و بعضا ایسه سوو موتری کیله‌دی.»
شونینگدیک کابل شهری یشاوچیسی سردار نینگ ایتیشیچه: «کوپ مزاحمت قیله‌دی. سوو، آیسکریم و پمیدار کیله‌دی. ایرتنگ و آخشم کیله‌دیلر. درست بیر شکلده بولر نینگ آلدی آلینیشی کیره‌ک.»
پایتخت یشاوچیلری سرپرست حکومت‌دن، لوداسپیکر‌دن قوللنه‌دیگن ساتووچیلر اوچون، بیللی بیر ییر ایجاد قیلیش‌لری نی ایسته‌گنلر.
بیراق ساتووچیلر نینگ ایتیشلریچه، ایش یوقلیگی سبب، لوداسپیکرلردن قوللنیش‌لری کیره‌ک و اولر سرپرست حکومت‌دن بو ایش بدیلی نینگ ایجاد بولینیشی نی ایسته‌یدیلر.
بیزلرنینگ فیسبوک صحیفه‌میزگه باش اورینگ!
عین حالده، کابل شهری‌ده پمیدار ساته‌دیگنلردن مختار نینگ ایتیشیچه: «لوداسپیکر بولمه‌گنی صورت‌ده، بولمه‌یدی. کوچه گه بارگنینگ پیتده، لوداسپیکر بولمه‌گنی صورت‌ده، اهالی خبر بولمه‌یدی. قنده‌ی بیلسین‌لر؟ لوداسپیکر بولگنی صورت‌ده، بیله‌دیلر و کیلیب نرسه آله‌دیلر.»
شونینگدیک نرسه ساتووچیلردن باشقه بیری احمد نینگ ایتیشیچه: «کوچه‌لر گه ایرتنگ‌دن آخشم‌گچه کوریمیز. انه شوو لوداسپیکر سبب، اهالی کیلگنی‌میز نی بیله‌دی و نرسه آله‌دی. مجبور‌میز مشتری تاپیش اوچون لوداسپیکر یاقسه‌ک.»
شونده‌ی بیرحالده، کابل بلدیه‌سی، اوز بیانیه‌سیده کوپه‌یتیریشیچه، شهر سطحی‌ده سیس افلاسلیگی آلدی آلینیشی اوچون، تولیدی شرکت‌لر نماینده‌لریدن قطاری و بیرلشمه‌لر هماهنگ‌‌لیگی‌ده، حاضر قوللنیله‌دیگن لوداسپیکرلر اورنیده باشقه نرسه قوللنیلیشی خصوصیده سعی و حرکت قیلماقده‌لر.
