اقتصاد وزیرلیگی، اوشبو مالیهوی ییل باشلنگنیدن بیری ۵۳۴ ته ترقیاتی لایحه بودجهسی ایچکی درآمدلردن تأمینلنگنینی بیلدیردی. اقتصاد وزیرلیگی سوزلاوچیسی عبدالرحمان حبیب گه کوره، بو لایحهلر زراعت، چارواچیلیک، انرژی، معارف، سوولرنی باشقریش، آست قوریلمهلر، طبیات و باشقه ساحهلرده عملگه آشیریلگن.
بلخ ولایتی برق ییتکزیش کمپنیه مسئوللری، بوگون (۱۰ سنبله/۱ سپتمبر، سهشنبه) تورکمنستاندن افغانستان گه آلیب کیلینگن برق، تخنیکی قیینچیلیگی حل ایتیلگنیدن سونگ قیتهدن اولنگنیدن خبر بیردیلر.
اسلام امیرلیگی ستندرد و صفت ادارهسی، مملکت ایچکی معیارلریگه تینگ بولمهگن ۴۸۰ تُن سمنتنینگ یوکی، حیرتان بندریده قیتریلگنینی بیلدیردی.
مملکت تیمیر ایریتیش اویوشمهسی مسئوللری، تیمیر محصولاتلری ایشلب چیقریش حجمی آشگنینی معلوم قیلیب، افغانستاندن تشقری چیتایل بازارلریگه صادر قیلینیشنی ایستهیدیلر.
تورکمنستاندن افغانستان گه آلیب کیلینگن برق اوزیلیشی بیلن، مملکت شمال و غرب ولایتلرینینگ اهالیسی ایریم قیینچیلیک بیلن دوچ بولگنلریدن شکایت قیلهدی.
بیرلشگن ملتلر تشکیلاتینینگ انسانسیورلیک یاردملرینی موافقلشتیروچی ادارهسی افغانستان بولیمی (اوچا)، اوتگن ییلی افغانستان شرقیده یوز بیرگن زلزلهدن جبرلنگن ۱۳۴ ته قیشلاقده ییتی مینگ عایله گه یاردم بیریش اوچون ینهده کوپراق بودجه کیرهکلیگینی معلوم قیلدی.
اسلام امیرلیگی سوزلاوچیسی ذبیحالله مجاهد، حکومت مطبوعات آئینهسی ناملی تورتینچی خبری دستورده معلوم قیلیشیچه، هجری قمری ۱۴۴۷-ییلده، دولت و خصوصی مکتبلر سانی ۳۸ مینگ ته گه ییتگن. اونگه کوره، دولت و خصوصی مکتبلرده ییتی میلیون ۶۲۰ مینگدن آرتیق اوقووچی و دینی مدرسهلرده ایسه ۴.۲ میلیون اوقووچی تعلیم آلماقده.
افغانستان صناعت و سودا وزیرلیگی، افغانستان و اوزبیکستان قشقهدریا ولایتی خصوصی سکتورلری اورتهسیده سودا علاقهلر تدبیری، کابلده اوتکزیلگنینی معلوم قیلدی.
ایریم یاشلر، تورلی سببلر گه کوره، مکتب و بیلیم یورتلرده ایریم علمی همده تخنیک کونیکمه (مهارت)لرنی اورگنیش امکانیگه ایگه بولمسه-لرده، حرکت و تیریشقاقلیک بیلن بو کونیکمهلرنی مستقل روشده اورگنگنلیکلرینی ایتهدی. اولر ملَکه گه ایگه بولگچ، عینی ساحهده ایش و درآمد تاپیشگه موفق بولگن.
اسلام امیرلیگی عدلیه وزیرلیگی، بلخ ولایتی نهرشاهی تومنیده دییرلی ۱۰ مینگ جریب ییرنی «امارتی» دیب اعلان قیلگن.
پایتختده بنالر قوریلیشی و آبادانلشتیریش لایحهلری عملگه آشیریلیشی بیلن، کابل شهری بلدیهسی، سونگی بیش ییل دوامیده یشاوچیلر گه تورت مینگ ۲۰۰ دن آرتیق قوریلیش رخصتنامهسی بیریلگنینی معلوم قیلدی.
بیرینچی مرته، بلخ ولایتینینگ شولگره تومنیده قیمتی ۶۰ میلیون افغانیدن آرتیق بولگن تورت ته سودا مرکزینی قوریش ایشلری باشلندی.
اسلام امیرلیگی فواید عامه وزیرلیگی، قویاش ۱۴۰۵ ییل، اسد آییده ۷۰۴ مینگ ۳۰۰ متریک تُن یوک، افغانستاننینگ تیمیر یوللری آرقهلی تشیلگنیدن خبر بیردی. فواید عامه وزیرلیگی سوزلاوچیسی محمداشرف حقشناس، بوگون (۷ سنبله/۲۹ آگست، شنبه) ایکس صحیفهسیده بیر بیانیه ترقهتیب، نفت و باشقه توارلرنی اوز ایچیگه آلگن اوشبو یوکلر اسد آیی دوامیده تشیلگنینی معلوم قیلدی.
بغلان ولایتیده آلمه ییتیشتیریش، اوتگن ییل گه نسبتن بو ییل ۱۰ فایز آشگن.
اسلام امیرلیگی باش وزیرینینگ اقتصادی اورین باسرلیگی، ۲۰۸ میلیون افغانی مبلغ عوضی گه اوچته عمومی شفاخانه قوریلیشی لایحهسی، تدارکات کمیسیونی ییغیلیشیده تصدیقلنگنینی بیلدیردی.
بلخ همده اوزبیکستان جیزخ ولایتی تدبیرکارلری و صناعتچیلری، اقتصادی همکارلیکلرنی کینگهیتیریش اوچون قوشمه ییغیلیش اوتکزدی. اوشبو تدبیر، اوزبیکستان جیزخ حاکملیگی اورین باسری و ایکی مملکت سوداگرلرینینگ اشتراکی بیلن، ۳ سنبله/۲۵ آگست، سهشنبه کونی بلخ مرکزی مزارشریف شهریده اوتکزیلگن.
