سلاموطندارنینگ افغانستان ۱۰ ته ولایتی (کاپیسا، بدخشان، کابل، دایکندی، سمنگان، سرپل، فاریاب، غور، قندوز و بادغیس) ده ۳۵ نفر عیال بیلن اوتکزگن صحبت نتیجهلری شونی کورستهدی کی، ییتکرمهلرنینگ طبی دستورلری عیاللرنینگ ساغلیق مسئلهلری بوییچه خبردارلیگینی آشیرگن و بو بارهدهگی خطی-حرکتلرینی یخشیلشگه یاردم بیرگن.
حاملهدارلیک دورهسیده قان میکروبی بولیشی، جدی ساغلیق قیینچیلیکلردن بیری بولیب، آنه و جنین حیاتینی خوف بیلن روپهره قیلهدی. اوشبو کسللیک میکروبلرنینگ قان آقیمیگه کیریب و تنهده جدی عکسالعملگه سبب بولگنی بیرحالده، اورته گه کیلهدی.
افغانستان پولیودن بوش نهادی، کنر و نورستان ده پولیوگه قرشی ایملش کمپاینی باشلنگنیدن خبر بیرگن.
لوگر یشاوچیلریدن بیرقطاری، سلاموطندار بیلن صحبتده، اقتصادی قیینچیلیک سببلی کسللرینی طبی مرکزلر گه آلیب باره آلمسلیکنی ایتهدیلر. اولرنینگ ایتیشیچه، اقتصادی قیینچیلیک سببلی کسللریگه شفاکارلردن مصلحت سورهمسدن دارو بیریشگه مجبور.
فلسطینلیک اعتراضچیلر، غزه شهریده الشفا کسلخانهسی برابریده ییغیلیب و اسرائیل دن دوالنیشنی دوام ایتیریش اوچون غزه تشقریسیده طبی خذمتلرگه محتاج کسللرنینگ چیقیشیگه رخصت بیریشنی طلب قیلگن.
بدخشان ولایتی زیباک تومنی اهالیسی، اوشبو تومنده بیر کلینیک بار بولسه-ده، بیراق اولرنینگ برچه احتیاجلرینی حل قیله آلمسلیگینی ایتهدیلر. اولرنینگ ایتیشیچه، هر ییلی طبی مرکزلر اوزاقلیگی و سرکلر بوزوقلیگی سببلی جدی قیینیچیلیکلر گه دچار بولیشهدی.
اروپا اتفاقی، افغانستان ده آنهلر و چقهلاقلر سلامتلیگینی اسرهش اوچون قوتقرووچی خذمتلرنینگ قوللب-قوتلشیگه دوام بیریشینی معلوم قیلگن.
سمنگان ولایتیدهگی عیاللردن قطارینینگ ایتیشلریچه، اقتصادی قیینچیلیکلر، ساغلیقنی سقلش مرکزلری اوزاق بولگنی، امکانیت آزلیگی و طبی خذمتلردن فایدهلنیش امکانیتینینگ چیکلنگنی، بو ولایتده عیاللردن قطارینی اویده توغروقنینگ تنلشگه مجبور قیلگن.
«افغانستان پولیودن بوش» نهادی عایلهلردن بالهلرینینگ خوفلی کسللیکلردن امان قالیشی مقصد، اولرگه ضرور واکسینلرنینگ تطبیق بولیشینی سورهگن.
سلاموطندارنینگ ۱۸ یاشی یاشنی تولدیرمهگن (۱۳-۱۷ یاش)گچه بولگن بنگیوار مادهلر گه چلینگن ۴۱ نفر باله و اوسمیر بیلن اوتکزگن صحبتلری نتیجهسی شونی کورستهدی کی، اوشبو بالهلر اوز دوستلری و تنیشلری تامانیدن بنگیوار مادهلر گه چلینگن.
چیگره بیلمس شفاکارلر تشکیلاتینینگ اعلام قیلیشیچه، افغانستان جنوبیده توییب آوقتلنمهیدیگن بالهلر سانی کوپهیگن.
کابل ده سرکلر یانیده ساتیلهدیگن آوقتلر توغریسیده ساغلیقنی سقلش خواطر کوپهیگنی بیلن بیرگه، بیراق اولرنینگ ارزانلیگی و آز وقت آلیشی سبب یشاوچیلر اینیقسه طلبهلر و ایشلاوچیلردن قطاری آرهسیده صرفلنیشی آشگن.
تخار ولایتی بهارک تومنی یشاوچیلریدن بیرقطارینینگ ایتیشیچه، اوشبو تومننینگ ۱۰ دن آرتیق قیشلاق اهالیسی هنوزگچه سووی تالقان شهری شهروان کانالیدن تأمینلنیب حوضلرنینگ توختهگن سوویدن فایدهلنماقده.
غزنی یشاوچیلریدن بعضیلری، اوشبو ولایتده ایریم مسلکسیز کیشیلر تیش شفاکاری صفتیده کلینیکلرده ایشلهماقدهلیگینی ایتهدیلر.
بیرلشگن ملتلر تشکیلاتینینگ انسانسیورلیک یاردملر بولیمیگه کوره، افغانستان دنیا ده آنهلر اولیمی درجهسی اینگ یوقاری بولگن مملکتلردن بیری حسابلنهدی.
روانشناسلرنینگ ایتیشلریچه، جبری شکلده تورموش گه چیقریلیش عیاللر حیاتینی تاثیر آستیگه قوییب و اولرده قدرسیزلیک حسی، اوزینی کم بهالش، خواطر، اوزیگه بولگن ایشانچنینگ کمهیشی و حتا اوزی گه ضرر ییتکزووچی یاندهشوولرنینگ یوزگه کیلیشیگه سبب بولهدی. مذکور گزارشده صحبت قیلگن عیاللرنینگ ایتیشلریچه، جبری شکلده و رضایتلری بولمسدن عایلهلری قراری اساسیده توی قیلیشگه مجبور بولیب و بو وضعیت اولر اوچون روحی زیانلر، رضایتسیزلیک و عاطفی قیینچیلیکلرنی اورته گه کیلتیرگن.
