سرپل ولایتیدهگی خاتین-قیزلردن قطارینینگ ایتیشلریچه، انرژی و گازلی ایچیملیکلردن دایمی شکلده فایدهلنیش، اولرده اویقوسیزلیک، معده آغریق، کم قانلیک، باش اَیلنمه و چرچهش کبی قیینچیلیکلرگه سبب بولگن.
مذکور عیاللردن بیری ۲۲ یاشر هدیهنینگ ایتیشیچه، اوشبو ایچیملیکلردن فایدهلنیش اونینگ تورلیخیل ساغلیق قیینچیلیکلرگه چلینتیرگن. او، بوندن آلدین اوشبو انرژی و گازلی ایچیملیکلرنینگ حددن تشقری فایدهلنیشینی بیان قیلیب و کوپهیتیریشیچه: «بعضا سوو یا-ده آوقت اورنیده هم اوشبو ایچیملیکلردن فایدهلنهر ایدیم. انرژی و گازلی ایچیملیکلردن فایدهلنیش سبب، تیز چرچهیدیم و باش اَیلنمه تاپگن ایدیم همده کیچهلر اویقوم یوق ایدی و هر نرسه اوچون تیز غضبلنهر ایدیم.»
انرژی و گازلی ایچیملیکلر باشقه ساغلیق قیینچیلیکلرنی اورته گه کیلتیریشی یانیده، حاملهدار و سوت بیرهدیگن آنهلر اوچون هم جدی و سلبی عاقبتلرگه سبب بوله آلهدی.
آلتی آیلیک حاملهدار بولگن ۲۵ یاشر نگینه، بو دورهده گازلی ایچیملیکلردن فایدهلنیش طفیلی روپهره بولگن قیینچیلیکلر توغریسیده شوندهی دیدی: «بعضا یورهگیم ساووق ایچیملیکلر ایستهر ایدی و جودهیم کوپ گازلی ایچیملیکلرنی ایچیدیم. باشده اوزیمنی بیراز راحت حس قیلهر ایدیم، بیراق کیین معدهم آغریب و شیشیدی. بو ایچیملیکلردن فایدهلنگنیم کیچهلر ایسه حتا اویقوم قاچیب و یورهگیم تیز-تیز اوریدی.»
شونینگدیک ۳۳ یاشر گلالینینگ ایتیشیچه، انرژی و گازلی ایچیملیکلردن حددن تشقری فایدهلنیش طفیلی اوزی و چقهلاغی سلبی اثرلر بیلن روپهره بولگن. اونینگ کوپهیتیریشیچه: «ایچیملیکلرنینگ چرچهش اوچون یخشی دیب توشینهردیم، لیکن ایچگنیمدن کیین ینه بیحال بولیدیم. شفاکار بیلن صحبت قیلگنیمده، ایچیملیکدهگی کافئیننینگ آنه سوتی آرقهلی چقهلاققه باریشینی ایتدی. اوزیم هم بعضی کیچهلر چقهلاغیمنینگ بیقرارلیگی و آرام اوخله آلمسلیگینی فرق قیلگن ایدیم.»
شوندهی بیرحالده، شفاکارلردن قطاری انرژی و گازلی ایچیملیکلردن فایدهلنیش ضررلریگه اشاره قیلیب و آگاهلنتیریشیچه، اوشبو ایچیملیکلر کافئین، شکر و کیمیایی مادهلری بولگنی اوچون برچه کیشی اینیقسه عیاللر و بالهلر ساغلیگینی جدی خوفلر بیلن روپهره قیلیشی ممکن.
بو توغریده نسایی-ولادی شفاکاری شرمیلا حبیبینینگ ایتیشیچه: «انرژی و گازلی ایچیملیکلر حاملهدارلیک دیابتی، کلسیمنینگ کمراق جذب بولیشی، عصبی قیینچیلیکلر و حتا جنین رشدینینگ کیچیکتیریشیگه سبب بوله آلهدی. سوت بیرهدیگن آنهلر اوشبو ایچیملیکلردن کوپراق فایدهلنگنلریده، سوت آرقهلی چقهلاقنینگ ضرر کوریشی ممکن؛ چونکه ایچیملیکدهگی کافئین چقهلاقنینگ اویقوسیزلیگی و بیقرارلیگیگه سبب بولهدی.»
شونینگدیک بو توغریده ایچکی کسللیکلر متخصصی صبغتالله شریفی، انرژی و گازلی ایچیملیکلر ضررلرینی بیان قیلیب و ایتیشیچه: «مذکور ایچیملیکلردن فایدهلنیش سیمیزلیک، شکر کسللیگی، معده آغریق و حتا کم قانلیککه سبب بولهدی. انرژی و گازلی ایچیملیکلردن حددن تشقری فایدهلنگنی صورتده، اویقوسیزلیک، یورهک اورمه، تیز غضبلنیش و تنهنینگ تیز چرچهشیگه سبب بولهدی. شونینگدیک بالهلر و یاشلرنینگ رشدی و فکریگه سلبی تاثیر قویهدی.»
ایتیش کیرهک که، شفاکارلر و ساغلیقنی سقلش بوییچه ایش بیلرمانلرنینگ اورغولشیچه، انرژی و گازلی ایچیملیکلر ضررلری توغریسیده اینیقسه قیزلر، حاملهدار و سوت بیرهدیگن عیاللرگه آگاهیلیک بیریلیش، کسللیکلر کمهیشی همده آنهلر بیلن بالهلر سلامتلیگی سقلهنیشیده مهم اورینگه ایگه بوله آلهدی.
