کابل بوییچه آمریکا ایلچی‌لیگی، طالبان گروهی دن زوروانلیکلر‌نی یکونلنتیریشی و دایمی آتیش‌کیسین خصوصیده کیلیشیشی‌نی سوره‌گن. بوگون “پنجشنبه” اوشبو نهاد بیر توییت آرقه‌لی اوروش تامان‌لریدن اوروش‌نی توخته‌تیب و تینچلیک‌نی تامین‌لش اوچون کامل صورتده، تینچلیک سوزلشوولرده اشتراک قیلیش‌لرینی سوره‌گن.

کابل بویچه امریکا ایلچی‌لیگی نینگ تاکید قیلیشیچه، اهالی منفعتی‌گه بولگن سیاسی بیر حل یول اوچون طالبان و افغانستان دولت‌ نینگ سعی و حرکت قیلیشی کیره‌ک. اوشبو نهاد نینگ کوپه‌یتیریشیچه، افغانستان‌نی ینه بیر مرته دهشت تشلاوچی‌لر تینچ جای‌گه اوزگرمه‌یشی کیره‌ک.

طالبان گه خطاب راس ویلسن: یوتوق‌لرنی ضعیف قیلیش خصوصیده سعی و حرکت‌لرنی توختهتینگ

عین‌حالده، کابل بوییچه آمریکا ایلچی‌لیگی سرپرستی راس ویلسن نینگ ایتیشیچه، حاضرده ۲۱- قرن دیر و بو دوره عیال‌لرگه قرشی چیکلاو تعیین قیلینمه‌یدی.

جناب ویلسن نینگ توییتر صحیفه‌سیده یازیشیچه، عامه مکان‌لرده عیاللرنی محرم بیلن باریش‌لری اوچون مجبور بولمه‌یشلری کیره‌ک. اونینگ طالبان گه خطاب ایتیشیچه: «جماعه ده نیمه کییش‌لری و ایش‌لرینی قولدن بیریش‌لری اوچون عیال‌لرگه بویروغ بیریلمه‌یشی لازم… ۲۰ ییل‌لیک یوتوقلرنی کوچ‌سیز قیلیش اوچون سعی و حرکت‌لرنی توخته‌تینگ. ۲۱- قرن گه قوشیلینگ.»

کابل بوییچه امریکا ایلچی‌لیگی سرپرستی نینگ ایتیشیچه، هر بیر مملکت‌ده انسانی استعداد، اقتصادی کامیاب‌لیک و ایش یره‌تیش خصوصیده عیال‌لرنینگ اورنی اونملی دیر.

شونینگدیک، انسان حقوقی ایرکین کمیسیونی هم طالبان نظارتی‌گه بولگن منطقه‌لرده عیاللرگه قرشی چیکلاو یره‌تیلگنیدن خواطر بیلدیرگن. ۸ کون آلدین اوشبو کمیسیون نینگ ایتیشیچه، طالبان گروهی نظارت‌لریگه آلگن منطقه‌لرده عیاللرگه قرشی چیکلاو یره‌تگن.

طالبان گروهی حاضرگه‌قدر بوتوغریده فکر بیلدیرمه‌گن. لیکن اوشبو گروه رهبری هبت‌الله آخندزاده نینگ قربان هییتی مناسبتی بیلن نشر قیلگن پیامی‌ده طالبان گروهی‌نی شهروندلیک حق‌لرگه تعهدلی بولگنی‌نی بیلدیریب و شریعت چوکاتیده عیاللرگه تعلیم کوریش اوچون زمینه یره‌تیلیشی‌نی بیلدیرگن ایدی.

مرتبط با این خبر:

کلیدی کلمه‌لر: // //

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام