بلخ ولایتی محلی مسئولری، اوزبیکستان اوشبو ولایتنینگ «ابو علی سینای بلخی» حوزهوی شفاخانهسیگه طبی جهازلر یاردم بیرگنینی معلوم قیلدیلر.
بلخ ولایتی ساغلیقنی سقلش ریاستی سوزلاوچیسی کمالخان زدران گه کوره، قیمتی قریب ۲۰۰ مینگ امریکا دالریگه تینگ بولگن طبی و ناطبی جهازلر، اوزبیکستاننینگ فرغانه ولایتی تامانیدن یاردم صفتیده تقدیم ایتیلگن.
اوشبو یاردملر کسللر اوچون بسترلر، ناگرانلیک اروهچیلری (ویلچر)، کولر اوسکونهلری، موزلتکیچلر همده باشقه ضرور طبی و ناطبی جهازلردن عبارت بولیب بوگون (۸ اسد/۳۰ جولای، پنجشنبه) بلخ ساغلیقنی سقلش مسئوللریگه تاپشیریلگن.
زدراننینگ ایتیشیچه، بو یاردملر ساغلیقنی سقلش خذمتلری صفتینی یخشیلش و کسللر گه ینهده ثمرهلی طبی خذمت کورسهتیش مقصدیده تقدیم ایتیلگن.
بلخ ولایتی ساغلیقنی سقلش مسئوللری، اوزبیکستاننینگ اوشبو یاردملرینی ممنونیت بیلن قبول قیلیب، مذکور جهازلر طبی خذمتلر صفتینی آشیریش همده کسللر اوچون قولی شرایطلر یرهتیشده مهم اهمیت کسب ایتیشینی بیلدیرگنلر.
