افغانستان ده ایش امکانیتلری کملیگی و آزیق-آوقت خوفسیزلیگی کوپهیگنی توغریسیده دنیا بانکینینگ آگاهلنتیریشی بیلن بیرگه، یاشلردن قطارینینگ ایتیشلریچه، ایش یوقلیگی و اقتصادی معمالر، حیاتنینگ دستلبکی نیازلرینی تامینلشده اولرنی قیینچیلیکلر بیلن روپهره قیلگن.
اسلام امیرلیگی مدافعه وزیرلیگینینگ اعلام قیلیشیچه، پاکستان ده داعش و فتنهچی عنصرلرنینگ قوشمه مرکزلرینی نشانگه آلگن. اوشبو وزیرلیکنینگ بوگون ایرتهلب (۱۰-سرطان، چهارشنبه)، اکس صحیفهسیده بیر بیانیه آرقهلی یازیشیچه، اوتگن کیچه بلوچستان ایالتیده داعش و…
سلام افغانستان میدیا مؤسسهسی (سلاموطندار رادیوسی)، اوتگن کون اسلام امیرلیگی رسمیلرینینگ حضوریده، «۲۰۲۲-۲۰۲۵ ییللریده افغانستان بیلیم یورت بیتیرووچیلرینینگ ایش بیلن شغللنیش و ایشسیزلیک وضعیتی» بوییچه سوراو نتیجهسینی معلوم قیلدی.
کابل ده گوزل صناعتلر انستیتوتی آرقهلی ایکی کونلیک قول صناعتی و هنری اثرلر کورگزمهسی آچیلگن. اوشبو کورگزمه تشکیلاتچیلریدن معراجالدین عطایی، بو کورگزمه اوتکزیلگنیدن مقصد اوقووچیلر و طلبهلرنینگ صناعتی امکانیتلرینی تانیشتیریش همده هنر رواجلنیشی عنوان قیلگن.
ونزویلا رسمیلرینینگ اعلام قیلیشیچه، حاضرگچه یوز بیرگن سونگی زلزلهلرده بیر مینگ ۷۱۹ کیشی اولیب و ۵ مینگ ۳۴ کیشی یرهلنگن.
اوکراین رسمیلرینینگ اعلام قیلیشیچه، روسیه آرقهلی اوشبو مملکتنینگ اوچته شهریگه اویوشتیریلگن هجوملر نتیجهسیده، کمیده ۱۰ کیشی اولیب و اونلب کیشی یرهلنگن.
بیرلشگن ملتلر تشکیلاتینینگ بالهلرنی قوللب-قوتلش صندیغی (یونیسف)، افغانستان گه پاکستاننینگ اویوشتیرگن هجوملری نتیجهسیده بالهلر اولیب و یرهلنگنیدن خواطر بیلدیریب، تامانلردن انسانسیورلیک خلقارا حقوق معیارلریگه عمل قیلیش و هر شرایطده بالهلرنی حمایه قیلیشگه چقیرگن.
بغلان ولایتی یخشی حاصل بیرهدیگن ییرلر همده یشاوچیلریدن کوپ قطارینینگ ایکینچیلیک و چاروهچیلیک بیلن شغللنگنی سبب، مملکتنینگ اینگ مهم زراعتی محصوللری مرکزلریدن بیری حسابلنهدی. سونگی ییللرده اقلیم اوزگریشلری، موسومی ترتیبسیز یاغینگرچیلیکلر و سوو تاشقینلر یوز بیریشی، اوشبو ولایتدهگی مینگلرچه دهقاننی کوپینچه قیینچیلیکلر بیلن روپهره قیلگن.
ایران و امریکا خلیج فارسده توقنشوولر توختهتیلیشی و هرمز بوغوزی بوییچه کیلیشماوچیلیکلر توغریسیدهگی مذاکرهلرنینگ قیته باشلنیشیگه کیلیشگنلر.
قوتقروو عملیاتی دوام ایتماقده ایکن، ونزویلا ده یوز بیرگن اولیملی زلزلهلر قربانلری سانی قریب ۱۵۰۰ کیشیگه ییتیشگن. خلقارا ییتکرمهلرنینگ بوگون (۸-سرطان/ ۲۹-جون، دوشنبه)، گزارش بیریشیچه، اینگ کوپ ضرر لا گوایرا ایالتیده قید ایتیلگن؛ بو ونزویلا پایتختی یقینیدهگی قیرغاق حدودی بولیب، کوچلی زلزلهلردن جدی زیان کورگن.
افغانستان تینچلیک ایشلری بوییچه امریکانینگ سابق وکیلی زلمی خلیلزاد، افغانستان بیر قطار بولیملریگه پاکستان آرقهلی اویوشتیریلگن هوا هجوملرینی قارهلب و ایتیشیچه، اسلامآباد مذاکره یولیدن کیلیشماوچیلیکلرنی حل قیلیش اورنیگه، ینه بیر مرته حربی هجومگه قول اورگن.
اسکین درهسی، قریب ۲۰ مینگ نفر اهالی بیلن، کاپیسا ولایتی الهسای تومنینینگ اینگ گوجوم حدودلریدن بیری حسابلنهدی. اوشبو دره اهالیسی، زمانهوی یول و صفتلی مخابراتی خذمتلر یوقلیگیدن شکایت قیلهدیلر.
بیرلشگن ملتلر تشکیلاتینینگ انسانسیورلیک یاردملرنی هماهنگ قیلووچی ادارهسی افغانستان بولیمی (اوچا)، اوشبو مملکت اوچ میلیون ۴۰۰ مینگ یشاوچیسینینگ قوروقچیلیکلردن تاثیرلنگنینی ایتگن.
تهران و واشنگتن اورتهسیده اوروشنی یکونلش بوییچه صلح کیلیشووی امضالنگنیدن اتهیگی اون کون اوتگن بولسه-ده، بیراق ایکی دولت اورتهسیدهگی ینگی کیسکینلیکلر آتیش کیسین جریانینی بوزیش بارهسیده خواطرلرنی ینه کوچهیتیرگن.
نوار غزه مرکزیده اسرائیل آرقهلی بیر موتر گه اویوشتیریلگن اینگ ینگی هجوم نتیجهسیده، کمیده اوچ فلسطینلیک قربان بولیب و باشقه نیچه کیشی یرهلنگن.
بیرلشگن ملتلر تشکیلاتی، خلقارا کیچیک و اورته تجارتلر کونی مناسبتی بیلن ایتیشیچه، بو کبی کسبوکارلر دنیا اقتصادی اساسلرینی شکللنتیرهدی.
