اسلام امیرلیگی مدافعه وزیرلیگینینگ اعلام قیلیشیچه، پاکستان ده داعش و فتنهچی عنصرلرنینگ قوشمه مرکزلرینی نشانگه آلگن.
اوشبو وزیرلیکنینگ بوگون ایرتهلب (۱۰-سرطان، چهارشنبه)، اکس صحیفهسیده بیر بیانیه آرقهلی یازیشیچه، اوتگن کیچه بلوچستان ایالتیده داعش و فتنهچی عنصرلرنینگ قوشمه بیر مرکزی و خیبرپشتونخواه ده ایسه داعشنینگ بیر مرکزیگه هوا هجومی اویوشتیرگن.
مدافعه وزیرلیگینینگ کوپهیتیریشیچه، بو مرکزلر افغانستان گه قرشی ضرر ییتکزووچی فعالیتلرنی عملگه آشیریش و هجوملرنی اویوشتیریش اوچون ایشلهتیلگن. بیانیهده کیلیشیچه، اوشبو هجوملر نتیجهسیده داعش و فتنهچی عنصرلرگه آغیر جانی تلفات و مالی زیانلر ییتیشگن.
مدافعه وزیرلیگینینگ اورغولشیچه، اسلام امیرلیگی هوا کوچلری افغانستان خوفسیزلیگینی بوزیش اوچون فایدهلنهدیگن هر بیر جاینی نشانگه آلیشی ممکن.
مذکور هجوملر، جاری هفته یکشنبه پاکستان آرقهلی کنر، پکتیا و پکتیکا ولایتلریگه هجوم اویوشتیریلیب و نتیجهده، ۳۵ تینچاهالی «شهید» و ۱۶۰ دن آرتیق کیشی یرهلنگنی بیرحالده، عملگه آشیریلگن.
