قوتقروو عملیاتی دوام ایتماقده ایکن، ونزویلا ده یوز بیرگن اولیملی زلزلهلر قربانلری سانی قریب ۱۵۰۰ کیشیگه ییتیشگن.
خلقارا ییتکرمهلرنینگ بوگون (۸-سرطان/ ۲۹-جون، دوشنبه)، گزارش بیریشیچه، اینگ کوپ ضرر لا گوایرا ایالتیده قید ایتیلگن؛ بو ونزویلا پایتختی یقینیدهگی قیرغاق حدودی بولیب، کوچلی زلزلهلردن جدی زیان کورگن.
ونزویلا وقتینچهلیک جمهور باشلیغی دلسی رودریگزنینگ اعلام قیلیشیچه، حاضرگچه قوتقریش و اختریش عملیاتینینگ دوامی بار. «بوگون هم ویرانهلر آستیدن تیریک قالگن کیشیلر چیقریلدی، انه شوو سبب بو عملیات توختمهیدی. دایم امیدیمیز بار.»
ونزویلا پارلمان باشلیغی خورخه رودریگزنینگ اعلام قیلیشیچه، یکشنبه کونیگچه قربانلر سانی بیر مینگ ۴۵۰ کیشیگه ییتیشیب، اوچ مینگ ۱۵۰ دن آرتیق کیشی یرهلنگن همده ۱۲ مینگ ۷۲۱ کیشی آواره بولگن.
امریکا زلزلهنی انیقلش تشکیلاتی گزارشی اساسیده، ونزویلا ده یوز بیرگن ۷.۲ و ۷.۵ درجه ریشترلیک زلزلهلر، ۱۰ مینگدن آرتیق قربانلرگه سبب بولیشی همده سونگی دههلرده امریکای لاتین ده یوز بیرگن اینگ اولیملی زلزلهلردن حسابلنیشی ممکن.
