نوار غزه مرکزیده اسرائیل آرقهلی بیر موتر گه اویوشتیریلگن اینگ ینگی هجوم نتیجهسیده، کمیده اوچ فلسطینلیک قربان بولیب و باشقه نیچه کیشی یرهلنگن.
خلقارا ییتکرمهلرنینگ بوگون (۶-سرطان/۲۷-جون، شنبه)، گزارش بیریشیچه، اوشبو هجوم قربانلری اوچ پولیسدن عبارت دیر.
بو بیلن بیرگه، فلسطین ایچکی ایشلر وزیرلیگی، مذکور هجومنی «دهشتلی جنایت» دیب و خلقارا همجمعیت و آتیش کیسین کیلیشوویگه ضامن مملکتلردن، اسرائیلگه باسیم کیلتیریب و نوار غزه ده هجوملر دوامیگه توسیق بولیشلرینی سورهگن.
آتیش کیسین کیلیشووی غزه ده ۲۰۲۵-ییل ۱۰-اکتبر امریکا واسطهچیلیگی بیلن عملگه آشیریلدی، بیراق گزارشلر گه کوره، اسرائیل حاضرگچه اوشبو منطقهده اوز هجوملرینی دوام بیرماقده.
فلسطین ساغلیقنی سقلش وزیرلیگینینگ اعلام قیلیشیچه، آتیش کیسین عملگه آشیریلگنیدن حاضرگچه اسرائیل هجوملریده بیر مینگ ۳۱ فلسطینلیک اولیب و اوچ مینگ ۳۰۹ کیشی یرهلنگن.
مذکور وزیرلیکنینگ معلوماتی اساسیده، ۲۰۲۳-ییل اکتبر آییده حماس و اسرائیل آرهسیده اوروش باشلنگنیدن حاضرگچه، نوار غزه ده ۷۳ مینگ فلسطینلیک قربان بولگن.
