بلخ ده اسلامی امارت نینگ اوزبیک تبار قومندانی مخدوم محمد عالم نینگ قولگه آلینگنی باعث، فاریاب یشاوچی‌لری ایکی کون اعتراض قیلدی که نتیجه‌ده، بوگون ایکینچلیک وزیرلیگی سرپرستی، شمال ده الفتح قول اردو قومندانی و جوزجان مسئوللری مذکور قیینچلیک‌لرنی حل ایتیلیشی اوچون مذکور ولایت گه سفر قیلگن.
ایکینچلیک وزیرلیگی سرپرستی عبدالرحمان راشد فاریاب ده ایتیشیچه، اعتراض نینگ اسلام قانونی گه هیچ ییری یوق و بو ایسه غربیلر و دموکراسی قانونی دیر.
جناب راشد گه کوره، اسلام و اسلامی امارت دشمن‌لری، مملکت یشاوچی‌لرینی تیل و قوم آتیده بیربیراولری بیلن اوریشتیریش اوچون حرکت قیله‌دی که اولر ایسه بو ایش گه رخصت بیرمه‌یدی.
بیزلرنینگ فیسبوک صحیفه‌میزگه باش اورینگ!
الفتح قول اردو قومندانی عطاءالله عمری نینگ ایتیشیچه، اسلامی امارت نینگ اوشلب آلینگن قومندانی مخدوم محمد عالم موضوعی حکومت نینگ ایچکی موضوع‌سی دیر که حکومت تامانیدن بو حل بوله‌دی و اهالی ایسه حکومت نینگ ایش‌لریگه اَره‌لش حقی یوق.
شونینگدیک جوزجان حاکمی شعیب رسالت مذکور ییغینده ایتیشیچه، جاده‌لرگه چیققن کیشیلر ساتیلگن دیر و اولر فاریاب اهالیسی دن نماینده‌لیک قیلمه‌یدی.
فاریاب حاکمی حفیظ‌الله پهلوان نینگ ایتیشیچه، سابق حکومتده عبدالرشید دوستم و نظام‌الدین قیصاری دن حمایت قیلگن کیشیلر حاضر مخدوم عالم دن حمایت قیلماقده که اولرنینگ فلم و تصویرلری اسلامی امارت نینگ یانیده موجود و کیله‌جکده اولر بیلن قانونی یول باریله‌دی.
فاریاب ده اسلامی امارت هیأت مسئوللری نینگ ایتیش‌لریچه، مخدوم عالم بیر سوءتفاهم اساسیده قولگه آلینگن و او تیزلیککه قوییب یوباریله‌دی.
