فاریاب یشاوچی‌لری اینقسه ملی اسلامی جنبش حزبی نینگ طرفدارلری اوشبو ولایت ینگی حاکمی محمدداوود لغمانی‌گه قرشی ۸ کوندن بویان اعتراض قیلیب کیلماقدهلر.
اعتراضچی‌لرنینگ ایتیش‌لریچه، حاضرگه‌قدر ایستکلریگه دقت بولمه‌گن و ایستکلریگه دقت بولمه‌گن صورتده، اعتراض‌لریگه دوام بیره‌دیلر.
اعتراضچی‌لردن بیری غلام رسول رکین نینگ ایتیشیچه، ایستک‌لریمیزگه دقت بولمه‌گن صورتده، کینگ شکلده اعتراض‌لریگه دوام بیره‌دیلر.
شونینگدیک، فاریاب ولایتیده بوتون دولتی اداره‌لر اعتراضچی‌لر تامانیدن باغلنگن و ینگی‌لیکده فاریاب ولایتی بوییچه یاش‌لر جنبشی باشلیغی احسان‌الله قوانچ اوشبو ولایت بیلیم یورتی و معارف ریاستی نینگ باغله‌نیشی اوچون بویروغ بیرگن.
فاریاب بیلیم یورتی نینگ ایشیگی‌نی باغله‌نیشی اجمتاعی ترماق‌لرده کوپینچه واکنش‌لر بیلن روپه‌ره بولگن. مدنی فعال‌لردن بیری راشد امان نینگ فیسبوک صحیفه‌سیده یازیشیچه، عقل و اندیشه ایشیگی باغلنگن دیر.
فاریاب یشاوچی‌لریدن بولیمش نورالله نبیل و عطاوالله نینگ میمنه شهری وضعیتیدن خواطر بیلدیریب ایتیشیچه، دکان‌لر و بوتون اداره‌لر باغلنگن و اهالی سرگردان یوریگنلر. اولر، حکومت دن فاریاب قیین‌چیلیکلرینی حل قیلیشینی سوره‌گنلر.
اعتراضچی‌لرنینگ ایتیش‌لریچه، محمدداوود لغمانی فاریاب ولایتی‌نی طالبان قولی‌گه سقوط بیریش اوچون کیلگن، بیراق جناب لغمانی، ایکی کون آلدین میدیالر بیلن اوتکزگن صحبتیده فاریاب ولایتی نینگ بیر وجب توپراغی‌نی هیچ‌کیم‌گه تاپشیرمه‌یشیدن ایشانچ بیرگن.
فاریاب ینگی حاکمی محمدداوود لغمانی بیر هفته دن بویان ۲۰۹ شاهین قول اردو قومندانلیگی نینگ بیرینچی لواسیده دیر.
عین‌حالده، اعتراضچی‌لرنینگ ایتیش‌لریچه، حاضرگه‌قدر حکومت اولر ایستکلریگه دقت قیلیش اوچون بیر هیات یوبارمه‌گن.
