بیرلشگن ملت‌لر تشکیلاتی نینگ باش کاتبی آنتونیو گوترش، پایتخت کابل شهری ده کرکت سپورت میدانیده اویوشتیریلگن پارتلشنی قاره‌لب اوشبو هجوم ده ۱۹ کیشی هلاک بولگنینی ایتگن.
جناب گوترش اوز توییتری ده یازیشیچه، خلق‌ارا قانون_قاعده اساسیده عادی اهالی گه تیگیشلی نیرسه‌لر و تینچ اهالی نشانگه آلینیشی ممنوع دیر.
بیزلرنینگ فیسبوک صحیفه‌میزگه باش اورینگ!
اوتگن کون (جمعه، ۷ اسد) کابل شهری ده خلق‌ارا کرکت سپورت میدانیده «اشپگیزه» لیگی مسابقه‌لری جریانیده تماشاچیلر اورته‌سیده پارتلش یوز بیردی.
اسلامی امارت مذکور پارتلش ده تورت کیشی یره‌لنگنینی اعلام قیلدیلر. بیراق کابل ده ایمرجنسی کسلخانه‌سی، مذکور واقعه طفیلی ۱۳ یره‌دار کیشی اوشبو کسلخانه گه انتقال بیریلگنینی معلوم قیلدی.
آمریکا قوشمه ایالت‌لری نینگ افغانستان ایشلری بوییچه مخصوص نماینده‌سی توماس وست، اوتگن کونگی پارتلش واقعه‌نی قاره‌لب زوروانلیک نینگ «هیچ هدفی یوق دیر» دیگن.
بیزلرنینگ توییترده هم تعقیب قیلینگ!
اوشبو پارتلش مسئولیتینی حاضرگه قدر هیچ کیم یا گروه اوز زمه‌سیگه آلمه‌گن.
