بیرلشگن ملتلر تشکیلاتی نینگ باش کاتبی آنتونیو گوترش اوشبو تشکیلات نینگ خوفسیزلیک کینگش ییغینی‌ده ارائه بولیشی گه قرار آلگن گزارشی‌ده، افغانستان ده تشقی ترورچی گروه‌لر اینیقسه القاعده ترماقی نینگ حضوریدن خواطر بیلدیرگن.
آنتونیو گوترش اوز گزارشی‌ده ایتگن که، اسلامی امارت سرپرست حکومتی، قیزلر تعلیمی گه رخصت بیرمه‌ی و عیال‌لر خصوصیده چیکلاو یره‌تیشی بیلن، بشری حقوق ارزشلری گه حرمت قایل بولمه‌گن.
بیرلشگن ملتلر تشکیلاتی باش کاتبی نینگ گزارشی‌ده، حاضرگی اقتصادی قیین‌چیلیک‌دن خواطر بیلدیریلیب، افغانستان ده ۵ یاش‌دن قویی بولگن ۳.۶ میلیون باله، جدی توییب آوقات‌لنمه‌سلیککه چلینگنی خصوصیده تاکید بولگن.
بیزلرنینگ توییترده هم تعقیب قیلینگ!
شونینگدیک گزارش‌ده کیلگن که، اسلامی امارت حکومتی تعهد‌لری گه قرشی، حاضرگچه هراس‌افگن گروه‌لر اینیقسه القاعده ترماغی بیلن رابطه‌سی نی حفظ قیلگن که، اوشبو مورد دایم اسلامی امارت حکومتی تامانیدن رد بولگن.
افغانستان ده ترورچیلیک گروه‌لر حضوری اساسیده بیرلشگن ملتلر تشکیلاتی نینگ خواطرلری توغریسیده، اسلامی امارت ایچکی ایشلر وزیرلیگی سوزلاوچیسی عبدالنافع تکور، کابل ده یولگه قوییلگن خبری بیر ییغین‌ده ترورچی گروه‌لر فعالیتی گه رخصت بیریلمه‌یشی خصوصیده ایشانچ بیرگن.
عین حالده، بیرلرمان‌لر نینگ ایتیش‌لریچه، بیرلشگن ملتلر تشکیلاتی نینگ ییغین‌لریده و افغانستان ده تروریزم نینگ رشد قیلیشی خصوصیده اوشبو تشکیلات نینگ خواطری، اونینگ برابریده عملی بیر اقدام قولگه آلینمه‌گونچه، هیچ نتیجه بیرمه‌یشی ممکن.
بیزلرنینگ فیسبوک صحیفه‌میزگه باش اورینگ!
سیاسی ایش بیرلرمان‌لردن قطاری نینگ ایشانچی گه کوره، افغانستان نینگ حاضرگی وضعیتی، درست بیر شکلده تیکشیریلیب و اوشبو مملکت یشاوچیلری نینگ برابریده‌گی قیین‌چیلیکلر نینگ اورته‌دن کیتیشی اوچون، عملی اقدام‌لر قولگه آلینیشی کیره‌ک.
بوگون قیچ قورون بیرلشگن ملتلر تشکیلاتی افغانستان خصوصیده بیر ییغین یولگه قوییشی ممکن. مذکور ییغین بیرلشگن ملتلر تشکیلاتی نینگ عمومی مجمع‌سی نینگ ۷۷-ییل‌لیک ییغینی‌دن کیین یولگه قوییله‌دی که، مذکور ییغین‌ده دنیا و منطقه قدرت‌مند‌لریدن قطاری افغانستان ده هراس‌افگن گروه‌لر نینگ قیته رشد قیلیشی خصوصیده خواطر بیلدیرگنلر.
