بوگون (یکشنبه، ۲۹ جوزا)، مملکت باش وزیری نینگ بیرینچی اورین باسری ملا عبدالغنی برادر و اسلامی امارت ییریک رسمی‌لریدن بیرقطاری نینگ اشتراکی بیلن، افغان انویست سهامی بیر شرکت ۲۵۰ میلیون دالر سرمایه یاتقیزیش بیلن رسمی روشده آچیلدی.
مذکور شرکت باشلیغی شیرباز کمین‌زاده نینگ ایتیشیچه، اوشبو شرکت نینگ ۱۳ سرمایه یاتقیزووچیسی بار و سرمایه یاتقیزوچیلری ۴۰ـ۵۰ کیشی بولیشی اوچون سعی و حرکت قیلماقده‌لر. اونگه کوره، ایریم ساحه‌لرده یاشلرنی ایش بیلن تأمینلش زمانی کیلگن.
بیزلرنینگ فیسبوک صحیفه‌میزگه باش اورینگ!
شیرباز کمین‌زاده نینگ ایتیشیچه: «برچه‌میز توپلندیک، دستلب تورت بولیمده ۲۵۰ دن ۳۰۰ میلیون دالر سرمایه یاتقیزیش گه قرار قیلگن میز. اول انرژی، کیین ایسه کان‌لر و آست قورمه‌لر و نهایت ایکینچیلیک بولیمیده سرمایه یاتقیزه‌میز.»
اوشبو ییغینده، صناعت و سوداگرلیک وزیرلیگی نینگ سرپرستی نورالدین عزیزی گه کوره، حکومت تورلی ساحه‌لرده سرمایه یاتقیزوچیلرنی قوللب_قوتلش گه دوام بیره‌دی و حاضر قطار سرمایه یاتقیزووچیلر اوشبو شرکت بیلن شریک بولیشگن که قوشمه روشده ایریم ساحه‌لرده سرمایه یاتقیزه‌دیلر.
اونگه کوره، چیت ایل ده‌گی سرمایه یاتقیزووچیلردن، اولکه گه قیتیش‌لرینی تکلیف قیلگنلر.
جناب عزیزی نینگ ایتیشیچه، اوشبو ییل ده صادرات رقمی ۲ میلیارد دالر گه ییتیشیشی ممکن و قطار سرمایه یاتقیزووچیلر دنیا بانکی و بیرلشگن ملت‌لر تشکیلاتی بیلن صحبت قیلیش اوچون او بیلن اوز قیینچیلیکلرینی شریک قیلیشگن. اونگه کوره: «بیر قول بیلن مملکت آباد بولمه‌یدی. خصوصی بولیم بیزگه وعده بیرگن و ایکی تامان اوز قوللری بیلن اولکه آبادانچیلیگی مقصدیده تلاش قیله‌دیلر.»
اوشبو ییغینده مملکت باش وزیری نینگ اورین باسری و اقتصادی کمیسیون باشلیغی عبدالغنی برادر نینگ ایتیشیچه، افغانستان کانلی بیر مملکت دیر که قوللنیلگن تقدیرده، اهالی قشاق‌لیک دن قوتیلیش‌لری ممکن.
بیزلرنینگ توییترده هم تعقیب قیلینگ!
جناب برادر سرمایه یاتقیزووچیلردن اولکه گه قیتیش‌لرینی سوره‌یدی.
ملاعبدالغنی برادر نینگ ایتیشیچه: «بیز کیله‌جکلرگه اولردن حمایت قیله‌میز و انشاء‌الله اولرنی قیینچیلیکلرینی حل قیله‌میز.»
ایتیش کیره‌ک که، حاضر افغانستان نیازی گه نسبتن آز تولید قیله‌دی، شونی اوچون وارداتی بیر مملکت گه اوزگرگن.
