اوزبیکستان سوداگرلیک وزیرلیگی نینگ ییریک رسمیلری و اوشبو مملکت قطار سوداگرلری، شنبه کونی، ۴ سنبله، ایکی کونلیک سفرلریده، افغانستان و اوزبیکستان ارا سوداگرلیک مناسبتلرینی مستحکملش، تزانزیت و سرمایه یاتقیزیش بولیملریده قولیلیک یرهتیش مقصدیده کابل گه کیلیب و بوگون صناعت و سوداگرلیک وزیرلیگی نینگ رسمیلری بیلن اوچرهشگنلر.
صناعت و سوداگرلیک وزیرلیگی سوزلاوچیسی آخوندزاده عبدالسلام جواد نینگ ایتیشیچه، اوشبو اوچرهشووده افغانستان ده سرمایه یاتقیزیش، افغانستان، اوزبیکستان و پاکستان ارا ترانزیت بولیمیده قولیلیک یرهتیش، باجخانهلر فعالیتلرینی کوچهیتیریش و تجاری کیلیشونامهلرنی عملگه آشیریش مسئلهلری بحث گه آلینگن.
بیزلرنینگ فیسبوک صحیفهمیزگه باش اورینگ!
او نینگ کوپهیتیریشیچه: «صناعت و سوداگرلیک وزیرلیگی نینگ سرپرستی بوگون اوزبیکستان سوداگرلیک وزیرلیگی نینگ باش اورین باسری ناظمجان خالمراداوف بیلن اوچرهشدی، اوشبو اوچرهشووده ایریم موضوعلر اینیقسه ترانزیت سالیقلرینی کمهیتیریش، ایکی تامانلمه، اوچ تامانلمه و نیچه تامانلمه کیلیشوونامهلرنی عملگه آشیریش و باجخانهلر فعالیتلرینی کوچهیتیریش مسئلهلری بحث گه آلینگن.»
اوزبیکستان هیئتی بوگون افغانستان سوداگرلیک و سرمایه یاتقیزیش اتاقی مسئوللری و افغان سوداگرلریدن بیرقطاری بیلن اوچرهشگنلر. مذکور اتاق باشلیغی میرویس هوتک نینگ ایتیشیچه، اوشبو اوچرهشووده، سوداگرلیک قیینچیلیکلر حلی، افغانستان ده سرمایه یاتقیزیش، ترانزیت و سوداگرلیک بولیملریده قولیلیک یرهتیش مسئلهلری محاکمه قیلینگن.
اونگه کوره: «بو ییغیلیشلر ده سرمایه یاتقیزیش، ایکی مملکت ارا صادرات و واردات، بندرلرده قولیلیک یرهتیش مسئلهلری بحث گه آلینگن.»
عینحالده، اقتصادی ایش بیلرمانلردن بیرقطاری، افغانستان و قوشنی اولکهلر ارا سوداگرلیک مناسبتلر کوچهیشینی سوداگرلیک کینگهیشی و ایش فرصتلری یرهتیلیشی اوچون مهم عنوان قیلهدیلر.
بیزلرنینگ توییترده هم تعقیب قیلینگ!
اقتصادی ایش بیلرمان سیر قریشی گه کوره: «قوشنی اولکهلر بیلن سوداگرلیک مناسبتلر مستحکملنیشی افغانستان اقتصادی اوچون مهم دیر، بو ایش تولیدی شرکتلر آچیلیشی، سرمایه یاتقیزووچیلر نینگ قیزیقیشی گه سبب بولهدی.»
مملکت صناعت و سوداگرلیک وزیرلیگی نینگ معلوماتی اساسیده، اوزبیکستان و افغانستان ارا سوداگرلیک آلیش-بیریش مقداری هر ییلی قریب بیر میلیارد دالر گه ییتیشر ایکن، مذکور ایکی مملکت سوداگرلیک مناسبتلرینی مستحکملش مقصدیده سعیوحرکت قیلماقدهلر.