۱۹-جولای تهران‌ده اوچره‌شگن ترکیه جمهور رئیسی رجب‌طیب اردوغان و روسیه جمهور رئیسی ولادیمیر پوتین، بوگون ینه بیر مرته روسیه نینگ سوچی شهریده اوچره‌شوولری ممکن.
بوگون ایکی رهبر آره‌سیده سوریه و اوکراین‌‌ده‌گی وضعیت، اقتصادی موضوع‌لر و شونینگدیک غله‌جات کریدوری خصوصیده صحبت اوتکزیلیشی ممکن.
بیزلرنینگ توییترده هم تعقیب قیلینگ!
خلق‌ارا دیپلماسی‌‌ده بیربیرلری بیلن اینگ کوپ اوچره‌شگن رهبرلر آره‌سیده جایلشگن اردوغان و پوتین، بوگون ینه بیر مرته اونملی اوچره‌شوو اوتکزیشلری ممکن. مذکور ایکی رهبر اوتگن ییل ۲۹-سپتامبر‌ده سوچی ده اوچره‌شیب و مذکور ۳ ساعت‌لیک اوچره‌شوو خصوصیده هیچ بیر معلومات ارائه قیلمه‌گن ایدیلر.
شونینگدیک بوگون ینه بیر مرته پوتین و اردغان ملاقات اوچون سوچی نی انتخاب قیلگنلر. مسکو نینگ بیانیه‌سی گه کوره، بوگون یولگه قوییله‌دیگن ایکی رهبر نینگ اوچره‌شووی، ۱۹-جولای تهران‌ده قرار آلینگن ایکن.
بیزلرنینگ فیسبوک صحیفه‌میزگه باش اورینگ!
مذکور رهبرلر ایران ده اوتکزگنلری اوچره‌شووده سوریه اوروش‌لری نینگ یکونلنیشی اوچون بیر ییغین اوتکزیب و سوریه و اوکراین مملکت‌لری نینگ تحولاتی نی تیکشیرگن ایدیلر.
بوگون سوچی ده یولگه قوییله‌دیگن اوچره‌شووده، تهران‌ده قولگه آلینگن موضوع‌لر نی کوپراق تیکشیریلیشی و شونینگدیک ایکی تامان‌لیک رابطه‌لر اینیقسه انرژی و سوداگرلیک موضوع‌لر نینگ تیکشیریلیشی ممکن.
