افغانستان سرپرست حکومتی نینگ صناعت و سوداگرلیک رسمی‌لری، روسیه دن افغانستان گه تیل، گاز و بوغدای وارد قیلیش قراردادی امضالنگنیدن خبر بیرگنلر.
رویترز کونده‌لیگی اوتگن کون (سه‌شنبه، ۵ میزان) افغانستان صناعت و سوداگرلیک وزیرلیگی نینگ سرپرستی نورالدین عزیزی دن نقل قیلیب، اوشبو قرارداد وقتینچه‌لیک امضالنگنینی یازگن.
بیزلرنینگ فیسبوک صحیفه‌میزگه باش اورینگ!
صناعت و سوداگرلیک وزیرلیگی نینگ سرپرستی گه کوره، مذکور قرارداد امضالنیشیدن مقصد، افغانستان نینگ واردادتی شریک‌لرینی قوللب_قوتلش، تیل، گاز و بوغدای نرخ‌لری گه مخصوص تخفیف بیریش دیر.
نورالدین عزیزی نینگ ایتیشیچه، اوشبو قرارداد اساسیده، ییلی ده روسیه دن افغانستان گه بیر میلیون تُن پترول، بیر میلیون تُن دیزل، ۵۰۰ مینگ تُن گاز و ایکی میلیون تُن بوغدای وارد ایتیله‌دی.
بیزلرنینگ توییترده هم تعقیب قیلینگ!
صناعت و سوداگرلیک وزیرلیگی نینگ سرپرستی گه کوره، اوشبو قرارداد نامعلوم وقتگچه وقتینچه‌لیک امضالنگن و ایکی تامان نینگ رضایتی اساسیده، کیله‌جکده اوزاق مدتلی قرارداد گه اوزگرتیریلیشی ممکن.
