افغانستان ده اسلامی امارت حاکم بولیشی بیرینچی کونیده، افغانستان خلق‌ارا قونالغه‌لری اینیقسه کابل قونالغه‌سی باشقریلیشی دالضرب موضوع‌لردن بیری ایدی.
تورکیه، قطر و بیرلشگن عرب امیرلیگی، افغانستان بویلب اسلامی امارت حاکم بولیشیدن کیین، افغانستان خلق‌ارا قونالغه‌لرینی باشقریش اوچون علاقه کورستگن مملکت‌لردن دیر.
بری_بیر افغانستان اسلامی امارت سرپرست حکومتی بیرلشگن عرب امیرلیگی «گاک» شرکتی بیلن، الاحیده اوچ قرارداد باغلب، افغانستان خلق‌ارا قونالغه‌لری نینگ برچه بولیم‌لری مسئولیتینی اوشبو شرکت گه تاپشیرگن.
بیزلرنینگ فیسبوک صحیفه‌میزگه باش اورینگ!
بوگون (پنجشنبه، ۱۷ سنبله) مملکت ترانسپورت و ملکی هوانوردلیک وزیرلیگی، اماراتی بیر شرکت «گاک» بیلن قرارداد امضاله‌دی، اونگه اساس، مذکور شرکت افغانستان ده اوچاق‌لرنی اوچیش رهنمالیگینی قیله‌دی و شونینگدیک قونالغه‌لر نینگ جهازلرینی تعمیرلب و افغانستان پرسونلینی مسلکی تعلیم بیره‌دی.
اسلامی امارت باش وزیری نینگ اقتصادی اورین باسری عبدالغنی برادر، اوشبو بیتیم امضاله‌نیشی چاغیده ایتیشیچه: «مذکور بیتیم افغانستان اقتصادیاتی ترقیاتی اوچون امضالنه‌دی که تجارت و اقتصادیات اوستیگه مثبت تأثیری بوله‌دیگن بعضی پروازلر نهایت باشله‌نیشی ممکن.»
اوشبو قرارداد ۱۰ ییل‌لیک امضالنگن و مسئوللر اوشبو قراردادنی افغانستان فضاسیدن قتنه‌یدیگن اوچاق‌لرنی رهنمالیک قیلیش و معیاری‌لشتیریش خصوصیده مهم بیله‌دیلر.
مذکور بیتیم اساسیده، قرارداد نینگ اوللگی بیش ییلیده، افغانستان فضاسیدن قتنش برچه درآمدلرنی «گاک» شرکتی قولگه کیریته‌دی و باشقه قالگن بیش ییل درآمدی اوشبو شرکت و اسلامی امارت آره‌سیده بولینه‌دی.
ترانسپورت و ملکی هوانوردلیک وزیرلیگی نینگ عملیاتی معینی غلام‌جیلانی وفا گه کوره: «اوشبو عامه مشارکت قراردادی ایکی باسقیچ؛ بیرینچی باسقیچ بیش ییل‌لیک دیر، ممکن کم بولسه، چونکه سرمایه یاتقیزیشه‌دی و قتش درآمدینی گاک شرکتی آله‌دی.»
برچه‌سی بیلن، «گاک» شرکتی مسئوللری نینگ ایتیشلریچه، مذکور قرارداد اساسیده، اولر افغانستان قونالغه‌لریده معیاری خدمت کورسه‌تیش گه متعهد دیر.
بیزلرنینگ توییترده هم تعقیب قیلینگ!
«گاک» شرکتی باشلیغی ابراهیم معروفی، افغانستان پرسونلی مسلکی بولیشی اوچون اوشبو شرکت نینگ سعی و حرکتیدن ایشانچ بیلدیره‌دی. «بیز افغانستان پرسونلی مسلکی بولیشی خصوصیده تلاش قیله‌میز و اولر گه خلق‌ارا معیارلر گه ماس سرتیفیکت بیره‌میز.»
عین‌حالده، بوندن آلدین، اسلامی امارت سرپرست حکومتی، «گاک» شرکتی بیلن زمینی خدمت و مملکت قونالغه‌لری خوفسیزلیگی ساحه‌لریده الاحیده ایکی قرارداد امضاله‌گن.
