بامیان شهری نینگ «ریگشاد» قیشلاغیده «امام سجاد» ناملی خیریه بنیادی تامانیدن بیر نانوای‌خانه توزه‌تیلگن که هر کون ۲۲۰ یتیم و سرپرست‌سیز بالهلر گه نان یاردم بیره‌دی.
مذکور خیریه نهاد مسئوللری نینگ ایتیشلریچه، «امام سجاد خیریۀ نانوای‌خانه» فعالیتی نینگ باشلنگنیدن کمیده ۱ آی اوته‌دی. مسئوللرگه کوره، اوشبو نانوای‌خانه عیاللر تامانیدن مدیریت بوله‌دی و هر کون ۲۲۰ یتیم و سرپرست‌سیز باله گه بیر یَریم نان یاردم بیریله‌دی.
بامیان‌ده «امام سجاد» خیریه نهاد مسئوللی سیدمهدی بهزاد نینگ ایتیشیچه، بیر سرویدن کیین، اولر سرپرست‌سیز، یتیم و نان تاپیش اوچون قیین‌چیلیک بیلن روپه‌رو بولگن بالهلر نی تثبیت قیلگن ایدیلر.
بیزلرنینگ فیسبوک صحیفه‌میزگه باش اورینگ!
بهزاد گه کوره، اولر یالغیز یوغاچ و نان پیشیرووچی عیاللر کرایه‌سی اوچون هر نان‌دن اوچ افغانی آله‌دیلر. او، یاردم بیرووچیلردن، یتیم و سرپرست‌سیز بالهلر گه کامل بیر شکلده نان نینگ رایگان بیریلیشی اوچون اوشبو نهاد بیلن همکارلیک قیلیشلری نی سوره‌گن.
بامیان شهری نینگ «ریگشاد» قیشلاغی یشاوچیسی فاطمه، ۵ کیشیلیک بیر عایله نی سرپرستی دیر. اونینگ ایتیشیچه، اونینگ اوییده نان کیلتیره‌دیگن بیر کیشی یوق. او «امام سجاد خیریۀ نانوای‌خانه» نینگ توزه‌لگنیدن رضایتی بار، بیراق اوشبو نانوای‌خانه نانی نینگ کامل شکلده رایگان بولیشی نی ایسته‌یدی؛ چونکه اونینگ درآمدی یوق و هر بیر نان اوچون اوچ افغانی بیریش گه کوچی یوق.
فاطمه نینگ کوپه‌یتیریشیچه، بامیان‌دن خلق‌ارا و ملی خیریه تشکیلاتلر تامانیدن کوپینچه نقدی و غیر نقدی یاردم‌لر نینگ بیریگنی گه علاوه؛ بیراق حاضرگچه اونگه هیچ قند‌ه‌ی یاردم بیریلمه‌گن.
شونینگدیک عیال‌لردن باشقه بیری جمیله نینگ ایتیشیچه، او بامیان شهری نینگ غربیده جایلشگن «اژدر» قیشلاغیده ۹ کیشیلیک بیر عایله‌ده حیات کیچیره‌دی و هرکون «امام سجاد خیریۀ نانوای‌خانه» سیدن ۹ته نان آله‌دی و عایله‌سی قیش موسمی نینگ ساووق کیچه و کوندوزی نی انه شو نان بیلن کیچیره‌دیلر. جمیله یاردم بیرووچی نهادلردن کوپینچه یاردم بیریلشی نی سوره‌یدی؛ چونکه اونینگ ۹ کیشلیک عایله‌‌سیده حیات خره‌جتی نی تامین قیلووچی، سرپرست و نان کیلتیره‌دیگن صفتیده هیچ کیمی یوق.
«امام سجاد» خیریه نهاد مسئوللری نینگ ایتیشلریچه، بامیان شهریده ۷ آیگچه سرپرست‌سیز و یتیم بالهلر گه رایگان شکلده نان ترقه‌تیش پروسه‌سی نینگ دوام تاپیشی ممکن. بیراق اوندن کیین، اولر یاردم بیرووچیلردن بو پروسه‌سی نینگ دوام بیریشلری نی سوره‌گنلر؛ چونکه اولرنینگ ایشانچلری گه کوره، بامیان شهریده حاضرگچه هرقنده‌ی یاردم و همکارلیککه نیازی بولگن سرپرست‌سیز و ییتم بالهلر بار.
بیزلرنینگ توییترده هم تعقیب قیلینگ!
ایتیش کیره‌ک که، شونینگدیک بوندن آلدین بامیان شهریده خصوصی بیر مکتب یوزلرچه سرپرست‌سیز و یتیم بالهلر گه رایگان تعلیم زمینه‌سی نی ایجاد قیلگن ایدی.
