په یمن کې د حوثیانو ډله وايي چې د اسراییلو په سوېل کې یې، د نواتېم په نوم پوځي اډه په توغندیو وېشتلې ده.
د حوثیانو ویاند یحیی سرېع ویلي: «موږ د اسراییلو په سوېل نېګېف کې پر نواتېم پوځي هوايي اډه برید وکړ.»
د نوموړي په وینا، په دې برید کې له هایپرسونیک بالېستیک توغندي کار اخیستل شوی دی. اسراییلو بیا ویلي چې له یمن څخه د دوی پر لور توغول شوی، توغندی یې، شنډ کړی دی.
حوثیانو له دې وړاندې هم د اسراییلو پر بېلابېلو سیمو توغندیز بریدونه کړي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
دوی وايي، بریدونه د فلسطینیانو په ملاتړ کوي او تر هغو به روان وي چې اسراییلو غزه کې روانه جګړه نهوي درولي.
دا برید وروسته له هغې کېږي چې د یمن روغتیا وزارت وايي، د شنبې ماښام په صنعا کې د امریکا په بریدونو کې لږترلږه اته ملکي وګړي ټپیان شوي چې دوه ماشومان هم پهکې شامل دي.
