ځایي مسوولان وايي، د پکتيا د اوبو او برښنا رياست ته د نوې ودانۍ جوړېدو په ګډون یې د پنځو رغنيزو پروژو چارې پيل کړي چې څه باندې ۲۷ ميليون افغانۍ لګښت پرې کيږي.
د کابل د سينديزې فرعي حوزې ريیس محمد عارف مهمند د يادو پروژو د پيل مراسمو کې وويل، د دغو پنځو پروژو له ډلې څلور یې زرمت ولسوالي کې تطبیق کیږي.
یادو پروژو کې د بيټکې چکډيم، د حسن خيلو کاريز ساتنې ديوال، د بر ملايانو کاريز اوبو حوض، د شولګډ کاريز، سربند او کانال جوړيدو پروژې شاملې دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د دغو څلورو پروژو چارې په راتلونکو شپږو مياشتو کې بشپړيږي.
دې سره د اوبو او انرژي وزارت سرپرست عبدالطيف منصور د يادو پروژو د پيل مراسمو کې وويل، اسلامي امارت ژمن دی چې د ولس د هوساينې لپاره عام المنفعه پروژې پلې کړي.
د زرمت ولسوالي يو شمېر اوسيدونکي هم خوښ دي چې په سيمو کې يې ورته د وچکالي او اوبو ضايعاتو مخنيوي لپاره پروژې پلې کيږي.
